A dꞌa Jehová scot masanil
Bꞌit dꞌa vin̈aj Salomón. Sbꞌit ebꞌ israel ayic van sqꞌue ebꞌ dꞌa sbꞌeal Jerusalén.
127
Tato man̈oc Jehová sbꞌoan junoc pat, nabꞌan̈ej am smunlaj ebꞌ munlajvum. Tato man̈oc stan̈van junoc chon̈abꞌ, nabꞌan̈ej am stan̈vaj yuj ebꞌ stan̈vumal.2 Nabꞌan̈ej syixtej sbꞌa ebꞌ pilan jun cꞌu syacꞌ smunlaji, ste och ebꞌ dꞌa ilcꞌolal yic tzꞌilchaj svael ebꞌ, palta axo pax ebꞌ xajan yuj Dios, juncꞌolal svay ebꞌ, a Dios chiꞌ tzꞌacꞌan tas tzꞌoch yuj ebꞌ.
3 A ebꞌ cuninal, silabꞌ Jehová yaj ebꞌ. A ebꞌ cuninal yedꞌ ix quetbꞌeyum, svachꞌcꞌolalton Dios yaj ebꞌ.
4 A ebꞌ cuninal tzꞌalji ayic quelem anima on̈to, icha val juntzan̈ jul-labꞌ ay dꞌa yol scꞌabꞌ junoc acꞌum oval yaj ebꞌ.
5 Te vachꞌ yic mach man̈ jantacoc yuninal chiꞌ. Man̈ ol qꞌuixvoquel-laj yuj ebꞌ ayoch ajcꞌolal dꞌay, ayic ol scolan sbꞌa dꞌa yichan̈ ebꞌ yajal.