Icꞌcanel co yaelal
Sbꞌit ebꞌ israel ayic van sqꞌue ebꞌ dꞌa sbꞌeal Jerusalén.
126
Ayic ix on̈ yicꞌanxi meltzaj Jehová bꞌaj sacleminac cajcanbꞌati, ix on̈ yicꞌancot dꞌa Sion tic, ichato ton̈ej ix on̈ vayichani.2 Ichato chiꞌ, ix on̈ te tzevaji, ix el cav yuj tzalajcꞌolal. Yuj chiꞌ ix yal ebꞌ chꞌoc chon̈abꞌil icha tic: A Jehová ix acꞌanxi snivan vachꞌcꞌolal dꞌa ebꞌ, xchi ebꞌ.
3 Yel toni, a Jehová ix acꞌan snivan vachꞌcꞌolal dꞌayon̈, yuj chiꞌ tzon̈ te tzalaj ticnaic.
4 Mamin, acꞌn̈ej a vachꞌcꞌolal dꞌa quibꞌan̈, icha tzꞌaj syaxbꞌi sat lum taquin̈ luum yuj aꞌ elumaꞌ dꞌa lum Neguev.
5 A ebꞌ tzꞌavvi dꞌa scal oqꞌuel, ol smol sat tas syavej ebꞌ chiꞌ dꞌa tzalajcꞌolal.
6 Vachꞌchom van yocꞌ ebꞌ ayic syavanem ixim in̈at te nibꞌabꞌil ebꞌ. Palta ayic ol elul ixim trigo chiꞌ, axon̈ej bꞌit ol yacꞌ ebꞌ yuj tzalajcꞌolal ayic mecꞌbꞌilxoqꞌue ixim yuj ebꞌ.