A Dios stan̈van schon̈abꞌ
Sbꞌit ebꞌ israel ayic van sqꞌue ebꞌ dꞌa sbꞌeal Jerusalén.
125
A ebꞌ tzꞌacꞌanoch Jehová yipoc scꞌool, lajan ebꞌ icha lum tzalan Sion, max ibꞌxilaj jabꞌoc, ayn̈ejecꞌ dꞌa masanil tiempo, icha chiꞌ yaj ebꞌ.2 Icha val yajoch oyan lum vitz dꞌa spatic yichan̈ Jerusalén, icha chiꞌ yaj Jehová dꞌa ebꞌ schon̈abꞌ ticnaic yedꞌ dꞌa masanil tiempo.
3 A ebꞌ chuc sbꞌeybꞌal, man̈ ol yacꞌlaj yajalil ebꞌ dꞌa yibꞌan̈ ebꞌ vachꞌ sbꞌeybꞌal. Tato maay, axo talaj tzꞌaji, a ebꞌ vachꞌ sbꞌeybꞌal chiꞌ, scꞌaybꞌej sbꞌa ebꞌ yacꞌan chucal.
4 Mamin Jehová, acꞌ a vachꞌcꞌolal dꞌa ebꞌ vachꞌ sbꞌeybꞌal, aton ebꞌ syacꞌ val och scꞌol dꞌa tojolal.
5 Axo ebꞌ tzꞌelcan dꞌa a bꞌeybꞌal, acꞌcanbꞌat ebꞌ bꞌaj ol scha syaelal ebꞌ scꞌulan chucal. Ayocabꞌ co juncꞌolal a on̈ israel on̈ tic.