A Dios Scolumal Israel
Sbꞌit vin̈aj David. Sbꞌit ebꞌ israel ayic van sqꞌue ebꞌ dꞌa sbꞌeal Jerusalén.
124
Tato man̈oc Jehová ix och quedꞌoc ¿tas am ix on̈ ajcani? Ex vetisraelal, calec icha tic:2 Tato man̈oc Jehová ix och quedꞌoc ayic ix qꞌue vaan ebꞌ anima yacꞌ yoval dꞌayon̈,
3 ix am on̈ spitzanchiejbꞌat ebꞌ ayic ix te cot yoval ebꞌ.
4-5 Icha am tzꞌaj quicꞌjibꞌey yuj aꞌ elumaꞌ te ov, icham chiꞌ ix aj co satel yuj yoval scꞌool ebꞌ chiꞌ.
6 Calec vachꞌ lolonel dꞌa Jehová, yujto maj yal scꞌool ix on̈ satjiel yuj ebꞌ.
7 Toxon̈ej ix on̈ el dꞌa yol scꞌabꞌ ebꞌ. Icha tzꞌaj scolchaj junoc nocꞌ much dꞌa junoc yaal. Ix on̈ colchaji, ichato ix dꞌin̈chajbꞌat schꞌan̈al jun yaal chiꞌ.
8 A dꞌa Jehová scot co colnabꞌil, aton bꞌoannac satchaan̈ yedꞌ sat luum tic.