Lesal yic cꞌanoj vachꞌcꞌolal dꞌa Dios
Sbꞌit ebꞌ israel ayic van sqꞌue ebꞌ dꞌa sbꞌeal Jerusalén.
123
Mamin Jehová, Yajal ach dꞌa satchaan̈, tzin qꞌue qꞌuelan dꞌayach ayic ay tas snibꞌej in cꞌool.2 Mamin, a dꞌayach tzon̈ och qꞌuelan, icha val yoch qꞌuelan vin̈ checabꞌ dꞌa spatrón, ma icha val yoch qꞌuelan ix criada dꞌa ix spatrona. Ach co Diosal, van co maclan yocꞌ a cꞌool dꞌayon̈.
3 Mamin Jehová, ocꞌoc val a cꞌool dꞌayon̈. Ocꞌocabꞌ a cꞌool dꞌayon̈, yujto maxtzac techajlaj cuuj bꞌaj tzon̈ paticajcaneli.
4 Tzon̈ tzactzaj yuj sbꞌuchval ebꞌ bꞌeyum yedꞌ bꞌaj tzon̈ spatiquejel ebꞌ acꞌumtac syutej sbꞌa.