Lesal yuj juncꞌolal dꞌa Jerusalén
Sbꞌit vin̈aj David. Sbꞌit ebꞌ israel ayic van sqꞌue ebꞌ dꞌa sbꞌeal Jerusalén.
122
Man̈xo jantacoc ix in tzalaj yedꞌ ebꞌ ix alan dꞌayin icha tic: Con̈ dꞌa stemplo Jehová, xchi ebꞌ.2 Axo ticnaic ay on̈xo ecꞌ dꞌa yol chon̈abꞌ Jerusalén tic.
3 A Jerusalén, junn̈ej chon̈abꞌil yaj sbꞌoi.
4 A dꞌa jun chon̈abꞌ tic sja junjun macan̈il ebꞌ schon̈abꞌ Jehová, yic vachꞌ sbꞌitaj icha yutejnac yalancan dꞌa ebꞌ co mam quicham.
5 A dꞌa jun chon̈abꞌ tic ay juntzan̈ despacho bꞌaj schꞌolbꞌitaj ebꞌ anima yuj yin̈tilal vin̈aj David dꞌa stojolal.
6 Cꞌanec to syacꞌ juncꞌolal Dios dꞌa Jerusalén. Juncꞌolalocabꞌ yaj ebꞌ xajanan jun chon̈abꞌ tic.
7 Ayocabꞌ juncꞌolal dꞌa yol smuroal yedꞌ dꞌa yol spat sreyal jun chon̈abꞌ tic, xe chi.
8 Yuj svachꞌiloc ebꞌ in cꞌabꞌ voc yedꞌ ebꞌ vetchon̈abꞌ, yuj chiꞌ svalaꞌ: Ayocabꞌ juncꞌolal, xin chi.
9 Yujto xajan scajnubꞌ Jehová co Diosal vuuj, yuj chiꞌ ol vacꞌ vip in sayanecꞌ tas tzꞌoch svachꞌiloc Jerusalén tic.