A Jehová in tan̈vumal
Sbꞌit ebꞌ israel ayic van sqꞌue ebꞌ dꞌa sbꞌeal Jerusalén.
121
Ayic svilanbꞌat lum jolomtac vitz, svalan dꞌa yol vicoꞌ: ¿Bꞌajtil ol cot in colnabꞌil? xin chi.2 A dꞌa Jehová scot in colnabꞌil, aton bꞌoannac satchaan̈ yedꞌ sat luum tic.
3 A Jehová co Diosal, man̈ ol ach schalaj telvoc. Malaj bꞌaj ol och numnaj svayan̈ ach stan̈vani.
4 A co tan̈vumal a on̈ israel on̈ tic, max vaylaj, malaj bꞌaqꞌuin̈ svayi.
5 A Jehová tzach tan̈vani, a ayecꞌ dꞌa a tzꞌey yic tzꞌoch en̈uloc.
6 Man̈ ol ach tzꞌalaj yuj yoc cꞌu dꞌa cꞌualil, man̈ ol ach yixtejpaxlaj yoc qꞌuen uj dꞌacꞌvalil.
7 A Jehová ol ach colanel dꞌa masanil tastac ay smay. Aꞌ ol ach colanel dꞌa yol scꞌabꞌ chamel.
8 Aꞌ ol ach tan̈vanoc ayic tzach bꞌati yedꞌ pax ayic tzach jaxi, ticnaic yedꞌ dꞌa masanil tiempo.