2 a Judá yedꞌ Israel ix ochcan schon̈abꞌoc Jehová. Aꞌ ix acꞌan Yajalil dꞌa yibꞌan̈.

3 Ayic ix schꞌoxan sbꞌa Jehová dꞌa aꞌ mar, ix bꞌat aꞌ elelal. Axo aꞌ nivan Jordán, ix meltzaj aꞌ dꞌa spatic.

4 Axo lum vitz yedꞌ lum tzalquixtac ix qꞌue cheneljoc luum icha nocꞌ chiva, ma icha nocꞌ yunetac calnel.

5 ¿Tas ix icꞌan aꞌ mar chiꞌ, yuj chiꞌ ix el aꞌ? ¿Tas ix icꞌan aꞌ Jordán chiꞌ, yuj chiꞌ ix meltzaj aꞌ?

6 ¿Tas ix icꞌan lum vitz yedꞌ lum tzalquixtac, yuj chiꞌ ix qꞌue cheneljoc luum icha nocꞌ chiva, ma icha nocꞌ yunetac calnel?

7 Ibꞌxocabꞌqꞌue lum luum dꞌa yichan̈ Jehová sDiosal vin̈aj Jacob.

8 Aton ix icꞌanelta a aꞌ dꞌa sat jun qꞌuen tenam, a dꞌa yol qꞌuen ix elta sjaj a aꞌ chiꞌ yuuj, ix smolbꞌancan sbꞌa aꞌ.