2 Aljocabꞌ vachꞌ lolonel dꞌay ticnaic yedꞌ dꞌa masanil qꞌuinal.

3 Bꞌitajocabꞌ bꞌaj sjavi cꞌu masanto bꞌaj tzꞌem cꞌu.

4 A Jehová Yajal yaj dꞌa yibꞌan̈ juntzan̈ nivac chon̈abꞌ. A stziquiquial tzꞌecꞌbꞌat dꞌa schaan̈il satchaan̈.

5 Malaj mach lajan yedꞌ Jehová co Diosal. Ato dꞌa yibꞌan̈toqꞌue satchaan̈ syacꞌcot Yajalil dꞌa yibꞌan̈ smasanil.

6 Tzꞌemta qꞌuelan dꞌa yibꞌan̈ satchaan̈ yedꞌ dꞌa sat luum tic.

7 A tzꞌicꞌanelta ebꞌ mebꞌaꞌ dꞌa yalan̈ smebꞌail, scolvaj pax dꞌa ebꞌ malaj jabꞌoc tas dꞌay,

8 yic vachꞌ tzꞌem cꞌojan ebꞌ dꞌa scal ebꞌ yetanimail ay yelcꞌoch dꞌa yol schon̈abꞌ chiꞌ.

9 A Jehová tzꞌacꞌan unevi ix ix max unevitaxonlaj. Tzꞌoch ix nunabꞌilal, tzalajcꞌolal tzꞌajecꞌ ix dꞌa spat yedꞌ yuneꞌ chiꞌ.