A Dios stan̈van schon̈abꞌ
111
Calec vachꞌ lolonel dꞌa Jehová.Dꞌa val smasanil in cꞌool ol val vachꞌ lolonel dꞌa Jehová, bꞌaj molanecꞌ ebꞌ anima vachꞌ sbꞌeybꞌal.
2 Yelxo val te satubꞌtac tas scꞌulejnac Jehová. A mach xajanan tas scꞌulejnac chiꞌ, snaubꞌtan̈ej ebꞌ dꞌa yibꞌan̈.
3 Te nivan yelcꞌoch tas scꞌulejnac Jehová chiꞌ, te vachꞌ pax yilji. A svachꞌcꞌolal ayn̈ejecꞌ dꞌa masanil tiempo.
4 Malaj bꞌaqꞌuin̈ ol bꞌatcan satcꞌolal tas satubꞌtac scꞌulejnac. A Jehová chiꞌ te nivan svachꞌcꞌolal, te ay pax yoqꞌuelcꞌolal.
5 Syacꞌ tas svaji dꞌa ebꞌ ay xivcꞌolal dꞌay. Naann̈ej strato yuuj.
6 A juntzan̈ tas te satubꞌtac ix scꞌulej svachꞌiloc ebꞌ schon̈abꞌ. Ix yacꞌ lum sluum ebꞌ chꞌoc chon̈abꞌil yiquej ebꞌ.
7 Tzꞌeln̈ejcꞌoch tas syalaꞌ, tojol toni. Masanil juntzan̈ schecnabꞌil, yeln̈ej syalaꞌ.
8 Malaj bꞌaqꞌuin̈ sqꞌuexvi. Te tojol yaji, yeln̈ej pax syalaꞌ.
9 A Jehová te nivan yelcꞌochi, Axon̈ej Ochi, ix scolel schon̈abꞌ, malaj bꞌaqꞌuin̈ ol sqꞌuex strato ix yacꞌcani.
10 Tato sco nibꞌej jelan tzon̈ aji, ayocabꞌ yelcꞌoch Jehová dꞌa co sat. A ebꞌ sbꞌeybꞌalan schecnabꞌil, te aj pensar ebꞌ. Alchajocabꞌ vachꞌ lolonel dꞌa Jehová dꞌa masanil qꞌuinal.