2 Mamin Rey, a Jehová ol acꞌan opisio yic tzacꞌ yajalil dꞌa Sion masanto dꞌa slajvubꞌ lum luum. Ol acꞌ yajalil dꞌa yibꞌan̈ ebꞌ ayoch ajcꞌolal dꞌayach.

3 Ayic ol acꞌan oval yedꞌ ebꞌ ajcꞌool, ol ja ebꞌ a chon̈abꞌ, ol yacꞌanoch sbꞌa ebꞌ dꞌa oval chiꞌ edꞌoc. Icha yal acꞌval dꞌa qꞌuin̈ibꞌalil, icha chiꞌ ol aj sja ebꞌ vin̈ quelemtac dꞌa jun tzalan to icn̈ej yaji.

4 Yacꞌnac pax can stiꞌ Jehová, malaj bꞌaqꞌuin̈ ol sqꞌuexaꞌ, yalnac dꞌayach icha tic: Sacerdote ach dꞌa masanil tiempo, icha yopisio vin̈aj Melquisedec, xchi.

5 Mamin Jehová, ayecꞌ vin̈ Rey dꞌa a vachꞌ cꞌabꞌ. A dꞌa jun cꞌual ol te cot yoval vin̈, ol satjoquel ebꞌ rey yuj vin̈.

6 A vin̈ ol acꞌan syaelal juntzan̈ nivac nación, ol cham anima, bꞌalbꞌumbꞌa ol aj ebꞌ chamnac yuj vin̈. Ol satjoquel ebꞌ yajal dꞌa yolyibꞌan̈qꞌuinal tic yuj vin̈.

7 A dꞌa yol bꞌe ol yucꞌaꞌ vin̈ Rey dꞌa jun a aꞌ sbꞌeyi, yuj chiꞌ ol och yip vin̈.