Sbꞌital acꞌoj yuj diosal
100
Co masanil cajan on̈ dꞌa yolyibꞌan̈qꞌuinal tic, con̈ bꞌitanec dꞌa Jehová dꞌa tzalajcꞌolal.2 Caqꞌuequem co bꞌa dꞌay dꞌa tzalajcꞌolal. Cotan̈ec dꞌa yichan̈ yedꞌ av yic tzalajcꞌolal.
3 Cham val cojtacaneli to a Jehová Dios toni. Aꞌ ix on̈ bꞌoani, yuj chiꞌ yicon̈. A on̈ schon̈abꞌ on̈ tic, icha val scalnel caji.
4 Con̈ ochec dꞌa puerta yic tzon̈ och dꞌa yol yamaqꞌuil scajnubꞌ yic scalec vachꞌ lolonel dꞌay. Caqꞌuec yuj diosal dꞌay, scalanec vachꞌ lolonel dꞌay.
5 Yujto a Jehová vachꞌ toni. A svachꞌcꞌolal ayn̈ejecꞌ dꞌa juneln̈ej, malaj bꞌaj max yaqꞌuelcꞌoch tas syalaꞌ.