Bꞌitanocabꞌ junjun chon̈abꞌ dꞌa Dios
Ayic sbꞌitan jun bꞌit tic vin̈ cuchbꞌum yic bꞌit, a yamcꞌabꞌ ay schꞌan̈al scꞌanchaji.
67
Ach co Diosal, acꞌ a vachꞌcꞌolal dꞌayon̈. Ocꞌoc val a cꞌool dꞌayon̈, ach tzalajocabꞌ quedꞌoc2 yic syojtaquejel masanil nación dꞌa yolyibꞌan̈qꞌuinal tic tas snibꞌej a cꞌool yedꞌ colnabꞌil tzacꞌaꞌ.
3 Ach Dios, bꞌitanocabꞌ junjun chon̈abꞌ dꞌayach. Masanilocabꞌ chon̈abꞌ sbꞌitan dꞌayach.
4 Avajocabꞌ junjun nación dꞌa tzalajcꞌolal, yujto tza chꞌolbꞌitej yaj junjun chon̈abꞌ dꞌa stojolal. A ach ton tza cuchbꞌej junjun nación dꞌa yolyibꞌan̈qꞌuinal tic.
5 Ach Dios, bꞌitanocabꞌ junjun chon̈abꞌ dꞌayach. Masanilocabꞌ chon̈abꞌ sbꞌitan dꞌayach.
6 Axo lum luum, ol yacꞌ sat avbꞌen dꞌa luum, ol yacꞌ svachꞌcꞌolal Dios dꞌayon̈.
7 Yacꞌocabꞌ svachꞌcꞌolal Dios dꞌayon̈. Nivanocabꞌ yelcꞌoch Dios dꞌa masanil yolyibꞌan̈qꞌuinal tic.