A scolval Dios yipcꞌolal toni
Ayic sbꞌitan jun bꞌit tic vin̈ cuchbꞌum yic bꞌit, a yamcꞌabꞌ ay schꞌan̈al scꞌanchaji. Sbꞌit jun tic vin̈aj David.
61
Ach in Diosal, il in coti. Tzꞌel vav yuj yaelal tzin icꞌani. Cha abꞌ in lesal.2 Ato bꞌaj slajvicꞌoch stiꞌ lum luum tic tzin avaj dꞌayach, tzꞌel yip in pixan svabꞌi. Icꞌ in qꞌue dꞌa yibꞌan̈ junoc nivan qꞌueen yic tzin colchaji.
3 A ach ayachoch in colnabꞌiloc. Icha junoc cuartel aj dꞌayin, tzin a col dꞌa ebꞌ ayoch ajcꞌolal dꞌayin.
4 In gana tzin cajnaj dꞌa a cajnubꞌ dꞌa masanil tiempo. In gana tzin cꞌubꞌej in bꞌa dꞌa yalan̈ a vachꞌcꞌolal, icha nocꞌ yunetac caxlan̈ dꞌa yalan̈ scꞌaxil snun.
5 Ach in Diosal, abꞌnac tas in tiꞌ vacꞌnac dꞌayach, ix acꞌ in macbꞌen yedꞌ ebꞌ ay elcꞌoch dꞌay.
6 Najatocabꞌ tzutej in qꞌuinal a in rey in tic. Nivanocabꞌ abꞌil svilaꞌ
7 yic svacꞌan yajalil dꞌa ichan̈. Tan̈vej in yedꞌ a vachꞌcꞌolal, yujto tzꞌeln̈ejcꞌoch tas tzalaꞌ.
8 Icha chiꞌ ol ach in bꞌitej dꞌa masanil tiempo. Junjun cꞌu ol in cꞌanabꞌajan bꞌaj vacꞌnac in tiꞌ chiꞌ dꞌayach.