A Dios Yajal dꞌa smasanil lum luum tic
Sbꞌit jun tic ebꞌ yin̈tilal vin̈aj Coré.
47
Tzꞌitec e cꞌabꞌ e masanil ex nación. Avajan̈ec dꞌa Dios dꞌa tzalajcꞌolal.2 Yujto a Jehová, ecꞌto dꞌa yibꞌan̈ smasanil, sat co cꞌool yuj stziquiquial. Aton Yajalil dꞌa smasanil yolyibꞌan̈qꞌuinal tic.
3 Ix laj can juntzan̈ nación dꞌa yalan̈ yuuj, ix yacꞌancanoch dꞌa yol co cꞌabꞌ.
4 Aꞌ ix sicꞌanel lum luum bꞌaj stzalajbꞌi co cꞌool a on̈ yin̈tilal on̈ vin̈aj Jacob tic, a on̈ ton te xajan on̈ yuuj.
5 A Jehová Dios toxo ix qꞌuecꞌoch dꞌa scꞌojnubꞌ dꞌa scal av yic tzalajcꞌolal yedꞌ dꞌa scal yic van yocꞌ qꞌuen trompeta.
6 Con̈ bꞌitanec, con̈ bꞌitanec dꞌa co Diosal. Con̈ bꞌitanec, con̈ bꞌitanec dꞌa co Reyal.
7 Con̈ bꞌitanec dꞌa aloj vachꞌ lolonel dꞌa Dios, yujto aꞌ Yajal yaj dꞌa smasanil yolyibꞌan̈qꞌuinal tic.
8 A Dios ayoch Yajalil dꞌa smasanil nación. Cꞌojanem dꞌa scꞌojnubꞌ to an̈ej ay yicoꞌ.
9 Ix smolbꞌej sbꞌa ebꞌ anima nivac yopisio dꞌa scal nación. Ix och ebꞌ co tzꞌacubꞌoc a on̈ schon̈abꞌ on̈ sDiosal co mam quicham Abraham.
A Dios ay yic ebꞌ yajal dꞌa yolyibꞌan̈qꞌuinal tic. Aꞌ te nivan yelcꞌoch dꞌa yibꞌan̈ smasanil.