43
Ach in Diosal, chꞌoxeli to malaj in mul. Ochan̈ valumaloc dꞌa juntzan̈ anima malaj elcꞌoch dꞌa yol sat tic. Colinel dꞌa ebꞌ naumqꞌue lolonel yedꞌ dꞌa ebꞌ chuc sbꞌeybꞌal.2 Ach in Diosal, in Columal ach, ¿tas val yuj najat tzin icꞌcanel dꞌa ichan̈? ¿Tas val yuj cusnac in cꞌool tzin bꞌeyeqꞌui, tzin yixtan ebꞌ ayoch ajcꞌolal dꞌayin?
3 Chꞌox a saquilqꞌuinal dꞌayin yedꞌ a lolonel te yel, yic vachꞌ ol in schꞌox dꞌa sbꞌeal jun tzalan yic ejmelal bꞌaj cajan ach eqꞌui.
4 Ach in Diosal, ol in cꞌoch dꞌa altar, ataꞌ ol ach in bꞌitejn̈ej yedꞌ teꞌ arpa, yujto a ach tzacꞌ in tzalajcꞌolal.
5 ¿Tas val yuj schabꞌaxqꞌue in cꞌool? ¿Tas yuj somchaj in pensar? Ach in Diosal ayach och yipoc in cꞌool, olto val vachꞌ lolonel dꞌayach, in Columal, in Diosal aji.