Scꞌanchaj colval
Sbꞌit jun tic vin̈aj David.
13
Mamin Jehová, ¿bꞌaqꞌuin̈ val ol in a nacoti? ¿Tocval ol in bꞌatcan satcꞌolal uuj dꞌa masanil tiempo? ¿Bꞌaqꞌuin̈ val ol a chꞌox a vachꞌcꞌolal dꞌayin?2 ¿Jantacto tiempo ol in te cus dꞌa junjun cꞌu? ¿Jantacto tiempo ay in ecꞌ dꞌa yol scꞌabꞌ ebꞌ ajcꞌool?
3 Mamin Jehová in Diosal, cotan̈ qꞌuelan dꞌayin, tacꞌvan̈ dꞌayin, acꞌ a vachꞌcꞌolal dꞌayin, yic vachꞌ man̈ ol in pet chamoc,
4 yic man̈ ol yal vin̈ ayoch ajcꞌolal dꞌayin: Toxo ix vacꞌ ganar, xchi talaj vin̈. Malaj in gana stzalaj scꞌool vin̈, tato tzin yacꞌ ganar vin̈.
5 A a vachꞌcꞌolal ayoch yipoc in cꞌool, stzalajbꞌi in cꞌool yuj a colval.
6 Mamin Jehová, tzach in bꞌitej yuj a vachꞌil dꞌayin.