A scolval Dios scꞌanchaji
Sbꞌit jun tic vin̈aj David ayic ix el vin̈ elelal dꞌa vin̈aj Absalón, aton yuninal.
3
Mamin Jehová, tzijtum ebꞌ anima ayoch ajcꞌolal dꞌayin, tzijtum ebꞌ smeltzajoch vajcꞌooloc.2 Tzijtum ebꞌ tzꞌalani to man̈ ol in a coloꞌ.
3 A achxo Mamin, in Columal ach, uuj tzin tzalaji. A ach tzacꞌ in tecꞌanil.
4 A tzin avaj dꞌayach, tzin a tacꞌvej dꞌa jun tzalan bꞌaj syal sbꞌa ebꞌ anima dꞌayach.
5 Tzin ecꞌ jichan, tzin vaybꞌati, te vachꞌ tzꞌaj yel in vayan̈, yujto a ach tzin a tan̈vej.
6 Man̈ ol in xivlaj yuj jantac anima acꞌum oval molaneqꞌui, yuj ebꞌ oyanecꞌ dꞌa in patic vichan̈ tic.
7 Mamin Jehová, ochan̈ vedꞌoc. Ach in Diosal, colinn̈ej. A ach ol a macꞌpoj stiꞌ ebꞌ ayoch ajcꞌolal dꞌayin. Man̈xalaj jabꞌoc ol elcꞌoch spoder ebꞌ scꞌulan chucal chiꞌ.
8 Mamin Jehová, a achton tzach colvajn̈ej. Acꞌ a nivan vachꞌcꞌolal dꞌa quibꞌan̈ a on̈ a chon̈abꞌ on̈ tic.