A Chꞌan̈ Libro
SALMOS
LIBRO 1
(Sal 1–41)
Ebꞌ tojol yedꞌ ebꞌ chuc
1
Te vachꞌ yic ebꞌ max cꞌanabꞌajan tas syal ebꞌ scꞌulan chucal, max bꞌat ebꞌ dꞌa sbꞌe ebꞌ man̈ vachꞌoc sbꞌeybꞌal, max yacꞌoch sbꞌa ebꞌ dꞌa scal ebꞌ bꞌuchumtac dꞌa Dios.2 Palta dꞌa smasanil scꞌol ebꞌ scꞌanabꞌajej scꞌaybꞌubꞌal Jehová, snaubꞌtan̈an ebꞌ dꞌa cꞌual dꞌacꞌval.
3 Masanil tas scꞌulej ebꞌ, vachꞌn̈ej tzꞌaj yelcꞌochi. Lajan yaj ebꞌ icha junoc te teꞌ ay dꞌa stiꞌ a aꞌ, syacꞌ sat teꞌ dꞌa stiempoal, malaj bꞌaqꞌuin̈ stacjiel xil teꞌ.
4 Axo pax ebꞌ chuc sbꞌeybꞌal jun, man̈ ichocta ebꞌ. Lajan yaj ebꞌ icha smatzꞌil ixim trigo tzꞌicꞌjibꞌat yuj icꞌ.
5 Yuj chiꞌ man̈xo ol yal-laj scolan sbꞌa ebꞌ chuc chiꞌ ayic ol chꞌolbꞌitaj ebꞌ dꞌa yichan̈ ebꞌ anima tojol sbꞌeybꞌal.
6 Te xajan ebꞌ anima tojol sbꞌeybꞌal yuj Jehová. Axo ebꞌ anima aybꞌat dꞌa chucal, van sbꞌatcan ebꞌ dꞌa syaelal.