Aton ebꞌ vin̈ tic: Vin̈aj Seraías, vin̈aj Jeremías, vin̈aj Esdras, vin̈aj Amarías, vin̈aj Maluc, vin̈aj Hatús, vin̈aj Secanías, vin̈aj Rehum, vin̈aj Meremot, vin̈aj Iddo, vin̈aj Gineto, vin̈aj Abías, vin̈aj Mijamín, vin̈aj Maadías, vin̈aj Bilga, vin̈aj Semaías, vin̈aj Joiarib, vin̈aj Jedaías, vin̈aj Salú, vin̈aj Amoc, vin̈aj Hilcías yedꞌ vin̈aj Jedaías. Aton ebꞌ vin̈ tic yajal yaj dꞌa scal ebꞌ vin̈ yetsacerdoteal dꞌa yol stiempoal vin̈aj Jesúa.

8 Axo pax ebꞌ vin̈ levita, aton ebꞌ vin̈ tic: Vin̈aj Jesúa, vin̈aj Binúi, vin̈aj Cadmiel, vin̈aj Serebías, vin̈aj Judá yedꞌ vin̈aj Matanías. Yajal yaj ebꞌ vin̈ dꞌa ebꞌ vin̈ sbꞌitan vachꞌ lolonel dꞌa Dios. 9 Axo vin̈aj Bacbuquías yedꞌ vin̈aj Uni yedꞌ ebꞌ vin̈ scolvaj yedꞌ ebꞌ vin̈, a ebꞌ vin̈ stacꞌvi dꞌa scal ebꞌ vin̈ sbꞌitan chiꞌ.

10-11 A sbꞌi ebꞌ vin̈ yin̈tilal vin̈aj Jesúa dꞌa stzolal, aton vin̈aj Joiacim, vin̈aj Eliasib, vin̈aj Joiada, vin̈aj Jonatán yedꞌ vin̈aj Jadúa.

12-21 A sbꞌi ebꞌ vin̈ sacerdote yajal dꞌa junjun macan̈ ebꞌ yetsacerdoteal dꞌa stiempoal vin̈aj sat sacerdote Joiacim, aton ebꞌ vin̈ tic: A vin̈aj Meraías yajal dꞌa ebꞌ yin̈tilal vin̈aj Seraías. A vin̈aj Hananías yajal dꞌa ebꞌ yin̈tilal vin̈aj Jeremías. A vin̈aj Mesulam yajal dꞌa ebꞌ yin̈tilal vin̈aj Esdras. A vin̈aj Johanán yajal dꞌa ebꞌ yin̈tilal vin̈aj Amarías. A vin̈aj Jonatán yajal dꞌa ebꞌ yin̈tilal vin̈aj Melicú. A vin̈aj José yajal dꞌa ebꞌ yin̈tilal vin̈aj Sebanías. A vin̈aj Adna yajal dꞌa ebꞌ yin̈tilal vin̈aj Harim. A vin̈aj Helcai yajal dꞌa ebꞌ yin̈tilal vin̈aj Meraiot. A vin̈aj Zacarías yajal dꞌa ebꞌ yin̈tilal vin̈aj Iddo. A vin̈aj Mesulam yajal dꞌa ebꞌ yin̈tilal vin̈aj Ginetón. A vin̈aj Zicri yajal dꞌa ebꞌ yin̈tilal vin̈aj Abías. A vin̈aj Piltai yajal dꞌa ebꞌ yin̈tilal vin̈aj Miniamín yedꞌ dꞌa ebꞌ yin̈tilal vin̈aj Moadías. A vin̈aj Samúa yajal dꞌa ebꞌ yin̈tilal vin̈aj Bilga. A vin̈aj Jonatán yajal dꞌa ebꞌ yin̈tilal vin̈aj Semaías. A vin̈aj Matenai yajal dꞌa ebꞌ yin̈tilal vin̈aj Joiarib. A vin̈aj Uzi yajal dꞌa ebꞌ yin̈tilal vin̈aj Jedaías. A vin̈aj Calai yajal dꞌa ebꞌ yin̈tilal vin̈aj Salai. A vin̈aj Eber yajal dꞌa ebꞌ yin̈tilal vin̈aj Amoc. A vin̈aj Hasabías yajal dꞌa ebꞌ yin̈tilal vin̈aj Hilcías. A vin̈aj Natanael yajal dꞌa ebꞌ yin̈tilal vin̈aj Jedaías.

22 Ayic ayoch vin̈aj Eliasib, vin̈aj Joiada, vin̈aj Johanán yedꞌ vin̈aj Jadúa dꞌa sat sacerdoteal, ix tzꞌibꞌchaj sbꞌi ebꞌ levita yajal dꞌa junjun macan̈ yin̈tilal yedꞌ ebꞌ sacerdote. Ix lajvi stzꞌibꞌchaj sbꞌi ebꞌ chiꞌ dꞌa stiempoal vin̈aj Darío sreyal Persia. 23 Axo sbꞌi ebꞌ levita yajal dꞌa junjun macan̈ yin̈tilal, aycan bꞌaj tzꞌibꞌabꞌil yabꞌixal templo. Ix tzꞌibꞌchajn̈ej jun lista chiꞌ masanto dꞌa stiempoal vin̈aj Johanán yixchiquin vin̈aj Eliasib. 24 A vin̈aj Hasabías, vin̈aj Serebías, vin̈aj Jesúa yuninal vin̈aj Cadmiel yedꞌ ebꞌ vin̈ scolvaj yedꞌ ebꞌ vin̈, a ebꞌ vin̈ ix bꞌoan cha macan̈ ebꞌ sbꞌitani yic syacꞌan yuj diosal ebꞌ dꞌa Jehová, icha ajnac yalan vin̈aj rey David schecabꞌ Dios. 25 Axo ebꞌ vin̈ stan̈vumal juntzan̈ cuarto bꞌaj molan tastac ay dꞌa slacꞌanil spuertail templo, aton ebꞌ vin̈ tic: Vin̈aj Matanías, vin̈aj Bacbuquías, vin̈aj Obadías, vin̈aj Mesulam, vin̈aj Talmón yedꞌ vin̈aj Acub. 26 Aton ebꞌ vin̈ ayoch dꞌa yopisio chiꞌ dꞌa stiempoal vin̈aj Joiacim yuninal vin̈aj Jesúa yixchiquin vin̈aj Josadac, aton dꞌa stiempoal ayic ayin och a in Nehemías in tic yajalil, ayic ayecꞌ vin̈aj sacerdote Esdras cꞌaybꞌum paxi.

27 Ayic ix cꞌoch scꞌual yacꞌjicanoch smuroal Jerusalén dꞌa yol scꞌabꞌ Dios, ix avtajcot masanil ebꞌ levita dꞌa junjun chon̈abꞌ. Ix javi ebꞌ dꞌa Jerusalén yuj jun qꞌuin̈ chiꞌ, yic syalanpax vachꞌ lolonel ebꞌ dꞌa Dios, yic sbꞌitanpax ebꞌ dꞌa tzalajcꞌolal yedꞌ qꞌuen platillo, teꞌ arpa yedꞌ teꞌ lira. 28 A ebꞌ sbꞌitan chiꞌ, ix cot ebꞌ dꞌa slacꞌanil Jerusalén, dꞌa yaldeail Netofa, 29 dꞌa yol yic Gilgal, dꞌa yol smacbꞌen Geba yedꞌ dꞌa yol yic Azmavet, yujto a dꞌa juntzan̈ chon̈abꞌ dꞌa slacꞌanil Jerusalén chiꞌ cajan ebꞌ. 30 Ix lajvi chiꞌ, ix sacbꞌitan sbꞌa ebꞌ sacerdote yedꞌ ebꞌ levita icha yalan ley. Ix sacbꞌitan pax ebꞌ anima ebꞌ yedꞌ spuertail chon̈abꞌ yedꞌ smuroal.

31 Ix lajvi chiꞌ, a in Nehemías in tic, ix in checqꞌue ebꞌ yajal yic Judá dꞌa yibꞌan̈ muro chiꞌ. Ix vacꞌanoch chabꞌ macan̈ ebꞌ sbꞌitani yic syacꞌan yuj diosal ebꞌ. A ebꞌ bꞌabꞌel macan̈, ix bꞌat ebꞌ dꞌa yibꞌan̈ muro chiꞌ dꞌa stojolal co vachꞌ, bꞌaj ay jun puerta bꞌaj sbꞌatcan cꞌalem. 32 Axo dꞌa spatic ebꞌ chiꞌ tzacꞌanoch vin̈aj Osaías yedꞌ nan̈alxo ebꞌ yajal yaj dꞌa Judá. 33 Tzacꞌanpax ebꞌ vin̈ sacerdote, aton ebꞌ vin̈ tic: Vin̈aj Azarías, vin̈aj Esdras, vin̈aj Mesulam, 34 vin̈aj Judá, vin̈aj Benjamín, vin̈aj Semaías yedꞌ vin̈aj Jeremías. 35 Van spuꞌan qꞌuen strompeta junjun ebꞌ vin̈. Tzacꞌanpax juntzan̈xo ebꞌ vin̈ tic: Aton vin̈aj Zacarías yuninal vin̈aj Jonatán, axo ebꞌ smam yicham vin̈, aton vin̈aj Semaías, vin̈aj Matanías, vin̈aj Micaías, vin̈aj Zacur yedꞌ vin̈aj Asaf. 36 Ajun pax juntzan̈ ebꞌ vin̈ scꞌabꞌyoc ebꞌ vin̈, aton vin̈aj Semaías, vin̈aj Azarael, vin̈aj Milalai, vin̈aj Gilalai, vin̈aj Maai, vin̈aj Natanael, vin̈aj Judá yedꞌ vin̈aj Hanani. Aton ebꞌ vin̈ chiꞌ scꞌanan juntzan̈ yamcꞌabꞌ yic bꞌit icha yacꞌnac vin̈aj rey David, vin̈ schecabꞌ Dios. Axo dꞌa yichan̈ ebꞌ vin̈, bꞌabꞌel sbꞌat vin̈aj Esdras vin̈ cꞌaybꞌum. 37 Ix ecꞌ ebꞌ dꞌa yibꞌan̈ spuertail sjaj a aꞌ, ix bꞌatn̈ej ebꞌ dꞌa yichan̈ dꞌa yibꞌan̈ muro chiꞌ. Ix qꞌue ebꞌ dꞌa jun bꞌe bꞌachquiltac sqꞌue dꞌa schon̈abꞌ vin̈aj David, ix ecꞌ ebꞌ dꞌa yibꞌan̈ spalaciocan vin̈, masanto ix cꞌoch ebꞌ dꞌa spuertail bꞌaj tzꞌel ebꞌ ix ix icꞌoj aꞌ dꞌa stojolal bꞌaj sjavi cꞌu.

38 Axo junxo schabꞌil macan̈ ebꞌ sbꞌitan chiꞌ, ix bꞌatcan ebꞌ dꞌa stojolal co qꞌuexan̈. Tzacꞌan in dꞌa spatic ebꞌ dꞌa yibꞌan̈ muro chiꞌ yedꞌ nan̈alxo ebꞌ anima. Ix on̈ bꞌatn̈ej dꞌa torre scuchan Hornos, masanto bꞌaj levan sat muro chiꞌ. 39 On̈ ecꞌ dꞌa puerta scuch Efraín, dꞌa puerta scuch Jesana, dꞌa puerta yic nocꞌ chay, dꞌa torre scuch Hananeel yedꞌ torre scuch Hamea, masanto dꞌa puerta yic nocꞌ calnel. Ix on̈ och vaan dꞌa puerta bꞌaj ay ebꞌ stan̈vani. 40 Ix co chalaj co bꞌa yedꞌ junxo macan̈ ebꞌ sbꞌitan chiꞌ dꞌa yichan̈cot templo bꞌaj tzꞌoch bꞌit dꞌa co Mam Dios. Ajun pax nan̈alxo ebꞌ yajal vedꞌoc.

41 Ajun pax ebꞌ vin̈ sacerdote spuꞌan qꞌuen strompeta: Aton vin̈aj Eliacim, vin̈aj Maaseías, vin̈aj Miniamín, vin̈aj Micaías, vin̈aj Elioenai, vin̈aj Zacarías, vin̈aj Hananías, 42 vin̈aj Maasías, vin̈aj Semaías, vin̈aj Eleazar, vin̈aj Uzi, vin̈aj Johanán, vin̈aj Malquías, vin̈aj Elam yedꞌ vin̈aj Ezer. A ebꞌ vin̈ sbꞌitan chiꞌ te chaan̈ ix bꞌitan ebꞌ vin̈. A vin̈aj Izrahías scuchbꞌan ebꞌ vin̈.

43 A val dꞌa jun cꞌu chiꞌ te nivan nocꞌ silabꞌ ix yacꞌ ebꞌ anima chiꞌ dꞌa Dios. Ix te tzalaj ebꞌ yujto a Dios ix acꞌan jun nivan tzalajcꞌolal chiꞌ dꞌa ebꞌ. An̈ejtonaꞌ ebꞌ ix ix yedꞌ ebꞌ unin, ix te tzalajpax ebꞌ. A jun tzalajcꞌolal ix uji dꞌa Jerusalén chiꞌ, ix abꞌchaj dꞌa najat.

44 A dꞌa jun cꞌu chiꞌ, ay juntzan̈xo ebꞌ ix acꞌjioch yilumaloc bꞌaj smolchaj ofrenda, bꞌabꞌel sat avbꞌen yedꞌ diezmo, icha jantac tas scot dꞌa junjun lugar dꞌa yol yic junjun chon̈abꞌ. A juntzan̈ chiꞌ yic ebꞌ sacerdote yedꞌ ebꞌ levita yaji icha yalan ley, yujto a masanil ebꞌ anima chiꞌ ste tzalaj ebꞌ yedꞌ ebꞌ sacerdote chiꞌ yedꞌ pax ebꞌ levita chiꞌ, yujto smunlaj ebꞌ dꞌa scajnubꞌ Dios. 45 Yuj chiꞌ a ebꞌ sacerdote chiꞌ, ebꞌ sbꞌitani yedꞌ ebꞌ stan̈van puerta, ix scꞌanabꞌajej ebꞌ scꞌulan icha yalan sley Dios yic sacbꞌitan sbꞌa ebꞌ. Ix scꞌanabꞌajej pax ebꞌ icha yalnaccan vin̈aj rey David yedꞌ vin̈aj Salomón. 46 Yujto a dꞌa stiempoal vin̈aj rey David chiꞌ yedꞌ vin̈aj Asaf, ay ebꞌ yajalil ebꞌ sbꞌitan chiꞌ, aton ebꞌ sbꞌitan vachꞌ lolonel yedꞌ acꞌoj yuj diosal dꞌa Dios.

47 Yuj chiꞌ a dꞌa stiempoal vin̈aj Zorobabel yedꞌ in Nehemías in tic, masanil ebꞌ anima, dꞌa junjun cꞌu syacꞌ svael ebꞌ sbꞌitan ebꞌ, ebꞌ stan̈van puerta yedꞌ ebꞌ levita ay yalan yic schaani. Axo pax ebꞌ levita chiꞌ tzꞌacꞌan yic ebꞌ sacerdote yin̈tilal vin̈aj Aarón.