A ebꞌ anima ay dꞌa Judá, icꞌchajnacbꞌat ebꞌ dꞌa Babilonia yuj schucal.

2 A ebꞌ yin̈tilal Israel bꞌabꞌlaj meltzajxicot dꞌa sluum yedꞌ dꞌa schon̈abꞌ, aton ebꞌ sacerdote, ebꞌ levita yedꞌ ebꞌ smunlaj dꞌa templo. 3 A dꞌa Jerusalén ix can cajan ebꞌ yin̈tilal Judá, ebꞌ yic Benjamín, ebꞌ yic Efraín yedꞌ ebꞌ yic Manasés.

4-6 A dꞌa yin̈tilal Judá chiꞌ, ay 690 ebꞌ vin̈ vinac dꞌa smasanil. A ebꞌ vin̈ yin̈tilal vin̈aj Fares yuninal vin̈aj Judá, a vin̈aj Utai yuninal vin̈aj Amihud yajal yaj dꞌa scal ebꞌ yedꞌ pax juntzan̈xo ebꞌ smam yicham dꞌa stzolal: Aton vin̈aj Omri, vin̈aj Imri, vin̈aj Bani yedꞌ vin̈aj Fares yuninal vin̈aj Judá chiꞌ. A dꞌa ebꞌ vin̈ yin̈tilal vin̈aj Sela yuninal vin̈aj Judá chiꞌ, a vin̈aj Asaías vin̈ bꞌabꞌel unin, yajal yaj pax vin̈ dꞌa ebꞌ scꞌabꞌyoc. Axo dꞌa scal ebꞌ vin̈ yin̈tilal vin̈aj Zera, yuninal pax vin̈aj Judá chiꞌ, a vin̈aj Jeuel yajal yaj dꞌa scal ebꞌ scꞌabꞌyoc.

7-9 Aton sbꞌi ebꞌ vin̈ yajal yaj dꞌa ebꞌ yin̈tilal Benjamín tic: Vin̈aj Salú yuninal vin̈aj Mesulam yixchiquin vin̈aj Hodabías, yin̈tilal vin̈aj Asenúa, vin̈aj Ibneías yuninal vin̈aj Jeroham, vin̈aj Ela yixchiquin vin̈aj Uzi, yin̈tilal vin̈aj Micri, vin̈aj Mesulam yuninal vin̈aj Sefatías, yixchiquin vin̈aj Reuel, yin̈tilal vin̈aj Ibnías. 956 ebꞌ dꞌa smasanil.

10-13 Axo ebꞌ vin̈ sacerdote cajan dꞌa Jerusalén yajal yaj dꞌa scal ebꞌ scꞌabꞌyoc: Aton vin̈aj Jedaías, vin̈aj Joiarib, vin̈aj Jaquín yedꞌ vin̈aj Azarías yuninal vin̈aj Hilcías. A ebꞌ smam yicham vin̈aj Azarías dꞌa stzolal: Aton vin̈aj Mesulam, vin̈aj Sadoc, vin̈aj Meraiot yedꞌ vin̈aj Ahitob. A vin̈aj Azarías chiꞌ yajal dꞌa stemplo Dios. An̈ejaꞌ dꞌa scal ebꞌ vin̈ yajal yaj chiꞌ, ayoch vin̈aj Adaías yuninal vin̈aj Jeroham. A sbꞌi ebꞌ smam yicham vin̈aj Adaías chiꞌ dꞌa stzolal: Aton vin̈aj Jeroham, vin̈aj Pasur, vin̈aj Malquías, vin̈aj Masai, vin̈aj Adiel, vin̈aj Jahzera, vin̈aj Mesulam, vin̈aj Mesilemit yedꞌ vin̈aj Imer. A juntzan̈ ebꞌ vin̈ tic yajal yaj ebꞌ vin̈ dꞌa scal ebꞌ scꞌabꞌyoc. A dꞌa scal ebꞌ, ay mil 760 ebꞌ vin̈ te n̈ican smunlaj dꞌa scajnubꞌ Dios.

14 A ebꞌ vin̈ yajal yaj dꞌa scal ebꞌ levita cajan dꞌa Jerusalén: Aton vin̈aj Semaías yuninal vin̈aj Hasub, yixchiquin vin̈aj Azricam, schabꞌil yixchiquin vin̈aj Hasabías, yin̈tilal vin̈aj Merari. 15 Yajal pax vin̈aj Bacbacar, vin̈aj Heres, vin̈aj Galal yedꞌ vin̈aj Matanías yuninal vin̈aj Micaía, yixchiquin vin̈aj Zicri, yin̈tilal vin̈aj Asaf. 16 Yajal pax yaj vin̈aj Obadías yuninal vin̈aj Semaías, yixchiquin vin̈aj Galal, yin̈tilal vin̈aj Jedutún yedꞌ vin̈aj Berequías, yuninal vin̈aj Asa, yixchiquin vin̈aj Elcana ecꞌnac cajan dꞌa juntzan̈ aldea yic ebꞌ netofatita.

17 Axo ebꞌ vin̈ stan̈van puerta: Aton vin̈aj Salum, vin̈aj Acub, vin̈aj Talmón, vin̈aj Ahimán yedꞌ ebꞌ vin̈ scꞌabꞌyoc ebꞌ vin̈. A vin̈aj Salum yajal yaj dꞌa ebꞌ vin̈. 18 A ebꞌ vin̈ tic stan̈vann̈ej puerta yic ebꞌ vin̈ rey dꞌa stojolal bꞌaj sjavi cꞌu. Aton ebꞌ vin̈ stan̈van puerta chiꞌ dꞌa scal ebꞌ yetlevitail.

19 A vin̈aj Salum yuninal vin̈aj Coré, yixchiquin vin̈aj Ebiasaf, yin̈tilal vin̈aj Coré yedꞌ ebꞌ scꞌabꞌyoc, a ebꞌ stan̈van scajnubꞌ Dios, icha ajnac stan̈van spuertail scajnubꞌ Dios chiꞌ ebꞌ smam yicham ebꞌ dꞌa pecaꞌ.

20 A dꞌa pecaꞌ chiꞌ, a vin̈aj Finees yuninal vin̈aj Eleazar ayoch yajaliloc ebꞌ stan̈van scajnubꞌ Dios chiꞌ. Ayn̈ej val och Jehová yedꞌ vin̈.

21 Axo vin̈aj Zacarías yuninal vin̈aj Meselemías, a vin̈ stan̈van spuertail bꞌaj schꞌox sbꞌa Dios.

22 A sbꞌisul ebꞌ stan̈van spuertail cajnubꞌ sicꞌbꞌilel chiꞌ, 212 ebꞌ tzꞌibꞌabꞌilcani icha tas yin̈tilal junjun macan̈ bꞌaj cajan ebꞌ. A vin̈aj rey David yedꞌ vin̈aj Samuel schecabꞌ Dios acꞌjinaccanoch ebꞌ dꞌa yopisio nivan yelcꞌoch chiꞌ. 23 Masanil ebꞌ yedꞌ pax yuninal ebꞌ, ayoch ebꞌ dꞌa stzolal stan̈van spuertail scajnubꞌ Dios. 24 Ayn̈ejoch stan̈vumal chiꞌ dꞌa schan̈il pacꞌan̈: Dꞌa stojolal bꞌaj sjavi cꞌu, dꞌa stojolal bꞌaj tzꞌem cꞌu, dꞌa stojolal norte yedꞌ dꞌa stojolal sur. 25 A ebꞌ yetlevitail ebꞌ cajan dꞌa juntzan̈xo aldea, dꞌa junjun yuctaquil cꞌual sjavi ebꞌ stan̈vej templo chiꞌ, yic scolvaj ebꞌ yedꞌ ebꞌ. 26 Ay chan̈van̈ ebꞌ levita nivac yopisio stan̈van puerta chiꞌ. A ebꞌ chiꞌ ayoch ebꞌ dꞌa masanil tiempo stan̈van juntzan̈ cuarto yedꞌ bꞌaj smolchaj tas tzꞌacꞌji dꞌa scajnubꞌ Dios chiꞌ. 27 A ebꞌ chiꞌ ayn̈ejecꞌ ebꞌ dꞌa spatictac cajnubꞌ chiꞌ tzꞌecꞌ acꞌval, yujto a ebꞌ stan̈vani. Axo dꞌa junjun qꞌuin̈ibꞌalil sjacan cajnubꞌ chiꞌ ebꞌ. 28 Ay juntzan̈ ebꞌ dꞌa scal ebꞌ chiꞌ stan̈van juntzan̈ yamcꞌabꞌ scꞌanchaji yic tzꞌoch ejmelal dꞌa Dios. Yovalil sbꞌis ebꞌ jantac tzꞌelta, slajvi chiꞌ sbꞌisan ebꞌ yochxicani. 29 Axo juntzan̈xo ebꞌ tzꞌilan juntzan̈xo yamcꞌabꞌ nivac yelcꞌochi yedꞌ pax ixim harina, vino, aceite, incienso yedꞌ perfume. 30 Ay pax ebꞌ sacerdote sbꞌoan perfume chiꞌ. 31 Axo jun vin̈ levita scuchan Matatías, bꞌabꞌel yuninal vin̈aj Salum, yin̈tilal vin̈aj Coré, a vin̈ sbꞌoan ixim pan tzꞌacꞌji ofrendail. 32 Axo juntzan̈xo ebꞌ vin̈ yetlevitail ebꞌ vin̈, ebꞌ vin̈ yin̈tilal vin̈aj Coat, a ebꞌ vin̈ sbꞌoan ixim pan tzꞌem tzolan dꞌa sat mexa dꞌa yol scajnubꞌ Dios dꞌa junjun cꞌual icꞌoj ip. 33 An̈ejtonaꞌ ay ebꞌ vin̈ yajal yaj dꞌa yin̈tilal ebꞌ vin̈ levita chiꞌ sbꞌitani. A dꞌa juntzan̈ cuarto yic templo chiꞌ ay ebꞌ vin̈, malaj yalan yic ebꞌ vin̈ dꞌa juntzan̈xo munlajel, yujto cꞌual dꞌacꞌval yajoch ebꞌ vin̈ dꞌa yopisio chiꞌ.

34 A ebꞌ vin̈ ix bꞌinaj tic, yajal yaj ebꞌ vin̈ dꞌa scal masanil ebꞌ yin̈tilal Leví chiꞌ, icha yaj stzolal yin̈tilal ebꞌ vin̈. A dꞌa Jerusalén cajan ebꞌ vin̈.

35 A dꞌa chon̈abꞌ Gabaón, ataꞌ ecꞌnac cajan vin̈aj Jehiel, smam yicham ebꞌ aj Gabaón chiꞌ. Maaca sbꞌi ix yetbꞌeyum vin̈. 36-37 A ebꞌ vin̈ yuninal vin̈: Aton vin̈aj Abdón vin̈ bꞌabꞌel unin, vin̈aj Zur, vin̈aj Cis, vin̈aj Baal, vin̈aj Ner, vin̈aj Nadab, vin̈aj Gedor, vin̈aj Ahío, vin̈aj Zacarías yedꞌ vin̈aj Miclot. 38 A vin̈aj Miclot chiꞌ smam vin̈aj Simeam. A juntzan̈ ebꞌ vin̈ tic ix cajnaj ebꞌ vin̈ yedꞌ ebꞌ scꞌabꞌyoc dꞌa Jerusalén.

39 A vin̈aj Ner smam vin̈aj Cis, axo vin̈aj Cis chiꞌ smam vin̈aj Saúl. Axo ebꞌ vin̈ yuninal vin̈aj Saúl chiꞌ: Aton vin̈aj Jonatán, vin̈aj Malquisúa, vin̈aj Abinadab yedꞌ vin̈aj Es-baal. 40 A vin̈aj Jonatán chiꞌ smam vin̈aj Merib-baal smam vin̈aj Micaía. 41 Axo ebꞌ vin̈ yuninal vin̈aj Micaía chiꞌ: Aton vin̈aj Pitón, vin̈aj Melec, vin̈aj Tarea yedꞌ vin̈aj Acaz. 42-43 Axo vin̈aj Acaz smam vin̈aj Jara. Axo vin̈aj Jara chiꞌ smam vin̈aj Alemet, vin̈aj Azmavet yedꞌ vin̈aj Zimri. Axo vin̈aj Zimri chiꞌ smam vin̈aj Mosa. Axo vin̈aj Mosa chiꞌ smam vin̈aj Bina. Axo vin̈aj Bina chiꞌ smam vin̈aj Refaías, vin̈aj Elasa yedꞌ vin̈aj Azel.

44 Ebꞌ yuninal vin̈aj Azel chiꞌ, vacvan̈ ebꞌ vin̈: Aton vin̈aj Azricam, vin̈aj Bocru, vin̈aj Ismael, vin̈aj Searías, vin̈aj Obadías yedꞌ vin̈aj Hanán.