6-7 A ebꞌ vin̈ yuninal vin̈aj Aod: Aton vin̈aj Naamán, vin̈aj Ahías yedꞌ vin̈aj Gera. A ebꞌ vin̈ tic yajal yaj ebꞌ vin̈ dꞌa scal ebꞌ scꞌabꞌyoc cajan dꞌa Geba, palta icꞌjinaquel ebꞌ dꞌa Geba chiꞌ, icꞌchajnacbꞌat cajan ebꞌ dꞌa Manahat yuj vin̈aj Gera smam vin̈aj Uza yedꞌ vin̈aj Ahiud.

8 A vin̈aj Saharaim ayto juntzan̈xo ebꞌ vin̈ yuninal vin̈ ix alji ayic ayecꞌ vin̈ dꞌa Moab, ayic toxo ix spuclaj sbꞌa vin̈ yedꞌ ebꞌ ix yetbꞌeyum, aton ix Husim yedꞌ ix Baara. 9 Axo ebꞌ vin̈ yuninal vin̈ yedꞌ junxo ix yetbꞌeyum scuchan Hodes: Aton vin̈aj Jobab, vin̈aj Sibia, vin̈aj Mesa, vin̈aj Malcam, 10 vin̈aj Jeúz, vin̈aj Saquías yedꞌ vin̈aj Mirma. A juntzan̈ ebꞌ vin̈ tic yajal yaj ebꞌ vin̈ dꞌa scal ebꞌ scꞌabꞌyoc.

11 Ay chavan̈ yuninal vin̈ yedꞌ ix yetbꞌeyum scuchan Husim chiꞌ, aton vin̈aj Abitob yedꞌ vin̈aj Elpaal. 12 Axo ebꞌ vin̈ yuninal vin̈aj Elpaal chiꞌ: Aton vin̈aj Heber, vin̈aj Misam yedꞌ vin̈aj Semed. A vin̈aj Semed chiꞌ bꞌoannacqꞌue chon̈abꞌ Ono, chon̈abꞌ Lod yedꞌ yaldeail. 13 A vin̈aj Bería yedꞌ vin̈aj Sema, yajal yaj ebꞌ vin̈ dꞌa scal ebꞌ cajan dꞌa Ajalón, pechjinaquel ebꞌ cajan dꞌa Gat yuj ebꞌ vin̈. 14-16 A ebꞌ yin̈tilal vin̈aj Bería chiꞌ: Aton vin̈aj Ahío, vin̈aj Sasac yedꞌ vin̈aj Jeremot, vin̈aj Zebadías, vin̈aj Arad, vin̈aj Ader, vin̈aj Micael, vin̈aj Ispa yedꞌ vin̈aj Joha. 17-18 Axo ebꞌ vin̈ yuninal vin̈aj Elpaal: Aton vin̈aj Zebadías, vin̈aj Mesulam, vin̈aj Hizqui, vin̈aj Heber, vin̈aj Ismerai, vin̈aj Jezlías yedꞌ vin̈aj Jobab. 19-21 Axo ebꞌ vin̈ yuninal vin̈aj Simei: Aton vin̈aj Jaquim, vin̈aj Zicri, vin̈aj Zabdi, vin̈aj Elienai, vin̈aj Ziletai, vin̈aj Eliel, vin̈aj Adaías, vin̈aj Beraías yedꞌ vin̈aj Simrat. 22-25 Ebꞌ vin̈ yuninal vin̈aj Sasac: Aton vin̈aj Ispan, vin̈aj Heber, vin̈aj Eliel, vin̈aj Abdón, vin̈aj Zicri, vin̈aj Hanán, vin̈aj Hananías, vin̈aj Elam, vin̈aj Anatotías, vin̈aj Ifdaías yedꞌ vin̈aj Peniel. 26-27 Ebꞌ yuninal vin̈aj Jeroham: Aton vin̈aj Samserai, vin̈aj Seharías, vin̈aj Atalías, vin̈aj Jaresías, vin̈aj Elías yedꞌ vin̈aj Zicri. 28 A juntzan̈ ebꞌ vin̈ ix bꞌinaj tic, yajal yaj ebꞌ vin̈ dꞌa junjun macan̈ yin̈tilal ix cajnaj dꞌa Jerusalén.

29 A dꞌa chon̈abꞌ Gabaón ecꞌnac vin̈aj Jehiel smam yicham ebꞌ aj Gabaón chiꞌ. Maaca sbꞌi ix yetbꞌeyum vin̈. 30-32 A ebꞌ vin̈ yuninal vin̈: Aton vin̈aj Abdón vin̈ bꞌabꞌel, vin̈aj Zur, vin̈aj Cis, vin̈aj Baal, vin̈aj Ner, vin̈aj Nadab, vin̈aj Gedor, vin̈aj Ahío, vin̈aj Zequer yedꞌ vin̈aj Miclot, smam vin̈aj Simea. An̈ejtonaꞌ juntzan̈ ebꞌ vin̈ tic ix cajnajpax ebꞌ vin̈ yedꞌ ebꞌ vin̈ scꞌabꞌyoc dꞌa Jerusalén.

33 A vin̈aj Ner chiꞌ smam vin̈aj Cis, axo vin̈aj Cis smam vin̈aj Saúl. Axo ebꞌ vin̈ yuninal vin̈aj Saúl chiꞌ: Aton vin̈aj Jonatán, vin̈aj Malquisúa, vin̈aj Abinadab yedꞌ vin̈aj Es-baal. 34 Ay jun yuninal vin̈aj Jonatán chiꞌ, aton vin̈aj Merib-baal, smam vin̈aj Micaía. 35 Axo ebꞌ vin̈ yuninal vin̈aj Micaía chiꞌ: Aton vin̈aj Pitón, vin̈aj Melec, vin̈aj Tarea yedꞌ vin̈aj Acaz. 36 Axo vin̈aj Acaz chiꞌ smam vin̈aj Joada, axo vin̈aj Joada chiꞌ smam vin̈aj Alemet, vin̈aj Azmavet yedꞌ vin̈aj Zimri. Axo vin̈aj Zimri chiꞌ smam vin̈aj Mosa. 37 Axo ebꞌ vin̈ yin̈tilal vin̈aj Mosa chiꞌ dꞌa stzolal: Vin̈aj Bina, vin̈aj Rafa, vin̈aj Elasa, vin̈aj Azel.

38 A ebꞌ vin̈ yuninal vin̈aj Azel vacvan̈ ebꞌ vin̈: Vin̈aj Azricam, vin̈aj Bocru, vin̈aj Ismael, vin̈aj Searías, vin̈aj Obadías, vin̈aj Hanán.

39 Axo ebꞌ vin̈ yuninal vin̈aj Esec yucꞌtac vin̈aj Azel: Aton vin̈aj Ulam vin̈ bꞌabꞌel unin, schabꞌil vin̈aj Jehús, yoxil vin̈aj Elifelet. 40 A ebꞌ vin̈ yuninal vin̈aj Ulam chiꞌ, te tecꞌan ebꞌ vin̈ yacꞌan oval, yojtac val ebꞌ vin̈ sjulvaji. Tzijtum yuninal ebꞌ vin̈ yedꞌ yixchiquin, 150 sbꞌisul ebꞌ vin̈ dꞌa smasanil. Masanil juntzan̈ ebꞌ vin̈ chiꞌ, a vin̈aj Benjamín ay yin̈tilal ebꞌ vin̈.