2 A ebꞌ vin̈ yuninal vin̈aj Tola chiꞌ: Aton vin̈aj Uzi, vin̈aj Refaías, vin̈aj Jeriel, vin̈aj Jahmai, vin̈aj Jibsam yedꞌ vin̈aj Semuel. Aton ebꞌ vin̈ chiꞌ yajal yaj dꞌa scal yin̈tilal. A dꞌa stiempoal vin̈aj rey David, 22 mil 600 sbꞌisul ebꞌ soldado te jelan dꞌa oval dꞌa scal ebꞌ vin̈ yin̈tilal vin̈aj Tola chiꞌ.

3 A vin̈aj Uzi chiꞌ ay jun yuninal vin̈, aton vin̈aj Israhías. A vin̈aj Israhías chiꞌ ay chan̈van̈ yuninal vin̈: Vin̈aj Micael, vin̈aj Obadías, vin̈aj Joel yedꞌ vin̈aj Isías. A vin̈ yedꞌ ebꞌ vin̈ yuninal chiꞌ yajal yaj dꞌa scal ebꞌ yin̈tilal. 4 Yujto tzijtum ebꞌ ix yetbꞌeyum ebꞌ vin̈ yedꞌ yal yuninal junjun ebꞌ vin̈, yuj chiꞌ a dꞌa scal ebꞌ vin̈, ay 36 mil sbꞌisul ebꞌ vin̈ soldado te jelan dꞌa oval.

5 A sbꞌisul masanil ebꞌ vin̈ soldado yin̈tilal ebꞌ chan̈van̈ yuninal vin̈aj Isacar chiꞌ te jelan dꞌa oval, ay 87 mil ebꞌ.

6 Oxvan̈ ebꞌ vin̈ yuninal vin̈aj Benjamín: Aton vin̈aj Bela, vin̈aj Bequer yedꞌ vin̈aj Jediael.

7 Axo ebꞌ vin̈ yuninal vin̈aj Bela chiꞌ, ovan̈ ebꞌ vin̈: Vin̈aj Ezbón, vin̈aj Uzi, vin̈aj Uziel, vin̈aj Jerimot yedꞌ vin̈aj Iri. Masanil juntzan̈ ebꞌ vin̈ chiꞌ, yajal yaj ebꞌ vin̈ dꞌa scal ebꞌ yin̈tilal. Axo sbꞌisul ebꞌ soldado dꞌa scal yin̈tilal ebꞌ vin̈, ay 22 mil 34 ebꞌ.

8 Axo ebꞌ vin̈ yuninal vin̈aj Bequer: Aton vin̈aj Zemira, vin̈aj Joás, vin̈aj Eliezer, vin̈aj Elioenai, vin̈aj Omri, vin̈aj Jerimot, vin̈aj Abías, vin̈aj Anatot yedꞌ vin̈aj Alemet. 9 A sbꞌisul ebꞌ soldado dꞌa scal yin̈tilal ebꞌ vin̈, ay 20 mil 200 ebꞌ.

10 A vin̈aj Jediael ay jun yuninal vin̈: Aton vin̈aj Bilhán. Axo ebꞌ vin̈ yuninal vin̈aj Bilhán chiꞌ: Aton vin̈aj Jeús, vin̈aj Benjamín, vin̈aj Aod, vin̈aj Quenaana, vin̈aj Zetán, vin̈aj Tarsis yedꞌ vin̈aj Ahisahar. 11 A juntzan̈ ebꞌ vin̈ tic yajal yaj ebꞌ vin̈ dꞌa scal ebꞌ yin̈tilal, te jelan ebꞌ vin̈ dꞌa oval. Axo sbꞌisul ebꞌ soldado dꞌa scal yin̈tilal ebꞌ vin̈ chiꞌ, ay 17 mil 200 ebꞌ.

12 Axo ebꞌ vin̈ yuninal vin̈aj Ir, aton vin̈aj Supim yedꞌ vin̈aj Hupim. Axo yuninal vin̈aj Aher, aton vin̈aj Husim.

13 A ebꞌ vin̈ yuninal vin̈aj Neftalí: Aton vin̈aj Jahzeel, vin̈aj Guni, vin̈aj Jezer yedꞌ vin̈aj Salum. Aton juntzan̈ ebꞌ vin̈ tic yin̈tilal vin̈aj Jacob yedꞌ ix Bilha.

14 A ebꞌ vin̈ yuninal vin̈aj Manasés yedꞌ ix aj Siria schabꞌil yetbꞌeyum: Aton vin̈aj Asriel yedꞌ vin̈aj Maquir, smam vin̈aj Galaad. 15 A vin̈aj Maquir chiꞌ, ix yicꞌlaj sbꞌa vin̈ yedꞌ ix Maaca, yin̈tilal vin̈aj Hupim yedꞌ vin̈aj Supim. Ay jun yuninal vin̈aj Maquir chiꞌ, aton vin̈aj Zelofehad. A jun vin̈ chiꞌ, an̈ej ebꞌ ix yisil vin̈ ay. 16 Axo ix Maaca yetbꞌeyum vin̈aj Maquir chiꞌ, ix alji chavan̈ svinac unin ix. Peres ix yacꞌ ix sbꞌiej jun, axo junxo Seres. A ebꞌ vin̈ yuninal vin̈aj Peres chiꞌ, Ulam sbꞌi vin̈ bꞌabꞌel, Requem sbꞌi junxo vin̈. 17 Axo jun yuninal vin̈aj Ulam chiꞌ, aton vin̈aj Bedán. A ebꞌ vin̈ tic a vin̈aj Galaad yuninal vin̈aj Maquir ay yin̈tilal ebꞌ vin̈, aton vin̈ yixchiquin vin̈aj Manasés.

18 A jun ix yanabꞌ vin̈aj Maquir chiꞌ: Aton ix Hamolequet, aton ix snun vin̈aj Isod, vin̈aj Abiezer yedꞌ vin̈aj Mahala.

19 Axo ebꞌ vin̈ yuninal vin̈aj Semida: Aton vin̈aj Ahián, vin̈aj Siquem, vin̈aj Likhi yedꞌ vin̈aj Aniam.

20-21 A ebꞌ yin̈tilal Efraín sbꞌeyn̈ejcot dꞌa stzolal: Aton vin̈aj Sutela, vin̈aj Bered, vin̈aj Tahat, vin̈aj Elada, vin̈aj Tahat, vin̈aj Zabad, vin̈aj Sutela. Ay chavan̈xo ebꞌ vin̈ yuninal vin̈aj Efraín chiꞌ, aton vin̈aj Ezer yedꞌ vin̈aj Elad, milbꞌilcham ebꞌ vin̈ yuj ebꞌ cajan dꞌa Gat, yujto ix emcꞌoch ebꞌ yelqꞌuej nocꞌ smolbꞌetzal nocꞌ ebꞌ cajan dꞌa Gat chiꞌ. 22 A vin̈aj Efraín smam ebꞌ vin̈ chiꞌ, tzijtum cꞌual ix te cus vin̈. Ix javi ebꞌ scꞌabꞌyoc vin̈ yacꞌ snivanil scꞌool. 23 Ix lajvi chiꞌ ix alji pax junxo yuninal vin̈aj Efraín chiꞌ yedꞌ ix yetbꞌeyum, Bería ix yacꞌ vin̈ sbꞌiej, yujto ix ecꞌ jun nivan cuscꞌolal chiꞌ dꞌa ebꞌ.

24 A ix Seera yisil vin̈aj Bería chiꞌ, a ix ix bꞌoanqꞌue chon̈abꞌ Bet-horón jun ay dꞌa yalan̈ yedꞌ Bet-horón ay dꞌa yibꞌan̈ yedꞌ chon̈abꞌ Uzen-seera.

25-27 A ebꞌ vin̈ yin̈tilal vin̈aj Bería sbꞌeyn̈ejcot dꞌa stzolal: Aton vin̈aj Refa, vin̈aj Resef, vin̈aj Telah, vin̈aj Tahán, vin̈aj Laadán, vin̈aj Amiud, vin̈aj Elisama, vin̈aj Nun, vin̈aj Josué. 28 Axo sluum ebꞌ vin̈ bꞌaj cajan: Aton Betel yedꞌ Naarán dꞌa stojolal bꞌaj sjavi cꞌu, Gezer dꞌa stojolal bꞌaj tzꞌem cꞌu yedꞌ Siquem masanto scꞌoch dꞌa Ayah. Ix scha juntzan̈ chon̈abꞌ chiꞌ ebꞌ vin̈ yedꞌ yaldeail. 29 A ebꞌ vin̈ yin̈tilal Manasés, ix cajnaj ebꞌ vin̈ dꞌa chon̈abꞌ Bet-seán, Taanac, Meguido, Dor yedꞌ yaldeail juntzan̈ chon̈abꞌ chiꞌ. Aton dꞌa juntzan̈ chon̈abꞌ chiꞌ ix cajnaj ebꞌ yin̈tilal José, yuninalcan vin̈aj Israel.

30 A ebꞌ vin̈ yuninal vin̈aj Aser: Aton vin̈aj Imna, vin̈aj Isúa, vin̈aj Isúi, vin̈aj Bería yedꞌ ix Sera yanabꞌ ebꞌ vin̈.

31 A ebꞌ vin̈ yuninal vin̈aj Bería chiꞌ: Aton vin̈aj Heber yedꞌ vin̈aj Malquiel smam vin̈aj Birzavit. 32 A ebꞌ vin̈ yuninal vin̈aj Heber chiꞌ: Aton vin̈aj Jaflet, vin̈aj Semer, vin̈aj Hotam yedꞌ ix Súa yanabꞌ ebꞌ vin̈.

33 Axo ebꞌ vin̈ yuninal vin̈aj Jaflet chiꞌ: Aton vin̈aj Pasac, vin̈aj Bimhal yedꞌ vin̈aj Asvat.

34 Axo ebꞌ vin̈ yuninal vin̈aj Semer chiꞌ: Aton vin̈aj Ahí, vin̈aj Rohga, vin̈aj Jehúba yedꞌ vin̈aj Aram.

35 Axo ebꞌ vin̈ yuninal vin̈aj Helem: Aton vin̈aj Sofa, vin̈aj Imna, vin̈aj Seles yedꞌ vin̈aj Amal. 36 Axo ebꞌ vin̈ yuninal vin̈aj Sofa chiꞌ: Aton vin̈aj Súa, vin̈aj Harnefer, vin̈aj Súal, vin̈aj Beri, vin̈aj Imra, 37 vin̈aj Beser, vin̈aj Hod, vin̈aj Sama, vin̈aj Silsa, vin̈aj Itrán yedꞌ vin̈aj Beera.

38 Axo ebꞌ vin̈ yuninal vin̈aj Jeter: Aton vin̈aj Jefone, vin̈aj Pispa yedꞌ vin̈aj Ara. 39 Axo ebꞌ vin̈ yuninal vin̈aj Ula: Aton vin̈aj Ara, vin̈aj Haniel yedꞌ vin̈aj Rezia.

40 Masanil juntzan̈ ebꞌ vin̈ tic yin̈tilal Aser ebꞌ vin̈. Yajal yaj ebꞌ vin̈ dꞌa scal ebꞌ yin̈tilal, te jelan ebꞌ vin̈ dꞌa oval, te nivac pax yelcꞌoch ebꞌ vin̈. A sbꞌisul ebꞌ soldado dꞌa scal ebꞌ yin̈tilal Aser chiꞌ, ay 26 mil ebꞌ.