2 Axo vin̈aj Coat chiꞌ chan̈van̈ yuninal vin̈: Aton vin̈aj Amram, vin̈aj Izhar, vin̈aj Hebrón yedꞌ vin̈aj Uziel. 3 A vin̈aj Amram chiꞌ chavan̈ yuninal vin̈: Aton vin̈aj Aarón yedꞌ vin̈aj Moisés yedꞌ jun yisil vin̈, aton ix María. Axo ebꞌ vin̈ yuninal vin̈aj Aarón chiꞌ chan̈van̈ ebꞌ vin̈: Aton vin̈aj Nadab, vin̈aj Abiú, vin̈aj Eleazar yedꞌ vin̈aj Itamar. 4-15 Aton sbꞌi ebꞌ vin̈ yin̈tilal vin̈aj Aarón tic sbꞌeybꞌat dꞌa stzolal dꞌa ebꞌ vin̈ uninabꞌil yedꞌ dꞌa ebꞌ vin̈ ichiquinabꞌil: Vin̈aj Eleazar, vin̈aj Finees, vin̈aj Abisúa, vin̈aj Buqui, vin̈aj Uzi, vin̈aj Zeraías, vin̈aj Meraiot, vin̈aj Amarías, vin̈aj Ahitob, vin̈aj Sadoc, vin̈aj Ahimaas, vin̈aj Azarías, vin̈aj Johanán, vin̈aj Azarías, (aton vin̈ sacerdote yaj dꞌa templo ix sbꞌoqꞌue vin̈aj Salomón dꞌa Jerusalén), vin̈aj Amarías, vin̈aj Ahitob, vin̈aj Sadoc, vin̈aj Salum, vin̈aj Hilcías, vin̈aj Azarías, vin̈aj Seraías yedꞌ vin̈aj Josadac. A vin̈aj Josadac chiꞌ ix icꞌjibꞌat vin̈ preso yedꞌ ebꞌ ay dꞌa Jerusalén yedꞌ juntzan̈xo lugar dꞌa yol yic Judá yuj vin̈aj rey Nabucodonosor, yujto a Jehová ix acꞌan scꞌulej vin̈ icha chiꞌ.

16 A ebꞌ vin̈ yuninal vin̈aj Leví oxvan̈ ebꞌ: Aton vin̈aj Gersón, vin̈aj Coat yedꞌ vin̈aj Merari.

17 Axo ebꞌ vin̈ yuninal vin̈aj Gersón chiꞌ: Aton vin̈aj Libni yedꞌ vin̈aj Simei.

18 Axo ebꞌ vin̈ yuninal vin̈aj Coat chiꞌ: Aton vin̈aj Amram, vin̈aj Izhar, vin̈aj Hebrón yedꞌ vin̈aj Uziel.

19 Axo ebꞌ vin̈ yuninal vin̈aj Merari chiꞌ: Aton vin̈aj Mahli yedꞌ vin̈aj Musi.

A ebꞌ vin̈ ix bꞌinaj tic, yin̈tilal Leví ebꞌ vin̈. 20-21 A ebꞌ vin̈ yin̈tilal vin̈aj Gersón dꞌa stzolal: Aton vin̈aj Libni, vin̈aj Jahat, vin̈aj Zima, vin̈aj Joa, vin̈aj Iddo, vin̈aj Zera yedꞌ vin̈aj Jeatrai.

22-24 A ebꞌ vin̈ yin̈tilal vin̈aj Coat dꞌa stzolal: Aton vin̈aj Aminadab, vin̈aj Coré, vin̈aj Asir, vin̈aj Elcana, vin̈aj Ebiasaf, vin̈aj Asir, vin̈aj Tahat, vin̈aj Uriel, vin̈aj Ozías yedꞌ vin̈aj Saúl.

25-27 Axo vin̈aj Elcana chavan̈ yuninal vin̈: Aton vin̈aj Amasai yedꞌ vin̈aj Ahimot. Axo ebꞌ vin̈ yin̈tilal vin̈aj Ahimot chiꞌ dꞌa stzolal: Aton vin̈aj Elcana, vin̈aj Safai, vin̈aj Nahat, vin̈aj Eliab, vin̈aj Jeroham, vin̈aj Elcana yedꞌ vin̈aj Samuel.

28 Axo vin̈aj Samuel chiꞌ chavan̈ yuninal vin̈: Aton vin̈aj Vasni sbꞌabꞌel yuninal vin̈, schabꞌil vin̈aj Abías.

29-30 Axo ebꞌ vin̈ yin̈tilal vin̈aj Merari dꞌa stzolal: Vin̈aj Mahli, vin̈aj Libni, vin̈aj Simei, vin̈aj Uza, vin̈aj Simea, vin̈aj Haguía yedꞌ vin̈aj Asaías.

31 Aton juntzan̈ ebꞌ vin̈ tic ix acꞌjioch yuj vin̈aj rey David yic sbꞌitan ebꞌ vin̈ dꞌa scajnubꞌ Jehová, yictax ix acꞌjioch teꞌ scaxail trato dꞌa yol scajnubꞌ Jehová dꞌa Jerusalén. 32 Dꞌa stzolal tzꞌaj yoch ebꞌ vin̈ sbꞌitan dꞌa yichan̈ cajnubꞌ chiꞌ masanto yic ix bꞌojiqꞌue stemplo Jehová yuj vin̈aj Salomón.

33-38 A ebꞌ vin̈ ayoch dꞌa yopisio sbꞌitan chiꞌ yedꞌ ebꞌ vin̈ yuninal, aton sbꞌi ebꞌ vin̈ tic dꞌa stzolal:

A ebꞌ vin̈ yin̈tilal vin̈aj Coat, aton ebꞌ vin̈ tic: Vin̈aj Hemán scuchbꞌan jun macan̈ ebꞌ vin̈ sbꞌitan chiꞌ. A sbꞌi ebꞌ vin̈ bꞌaj ix cot yin̈tilal vin̈aj Hemán chiꞌ tzꞌel yich dꞌa vin̈ smam vin̈ masanto dꞌa slajvubꞌxo smam yicham vin̈, aton ebꞌ vin̈ tic: Vin̈aj Joel, vin̈aj Samuel, vin̈aj Elcana, vin̈aj Jeroham, vin̈aj Eliel, vin̈aj Toa, vin̈aj Zuf, vin̈aj Elcana, vin̈aj Mahat, vin̈aj Amasai, vin̈aj Elcana, vin̈aj Joel, vin̈aj Azarías, vin̈aj Sofonías, vin̈aj Tahat, vin̈aj Asir, vin̈aj Ebiasaf, vin̈aj Coré, vin̈aj Izhar, vin̈aj Coat, vin̈aj Leví yedꞌ vin̈aj Israel.

39-43 A dꞌa svachꞌ vin̈aj Hemán chiꞌ scan vin̈aj Asaf, aton vin̈ scuchbꞌan junxo macan̈ ebꞌ vin̈ sbꞌitan chiꞌ. Aton sbꞌi ebꞌ vin̈ smam yicham vin̈aj Asaf chiꞌ dꞌa stzolal: Vin̈aj Berequías, vin̈aj Simea, vin̈aj Micael, vin̈aj Baasías, vin̈aj Malquías, vin̈aj Etni, vin̈aj Zera, vin̈aj Adaía, vin̈aj Etán, vin̈aj Zima, vin̈aj Simei, vin̈aj Jahat, vin̈aj Gersón yedꞌ vin̈aj Leví.

44-47 Axo dꞌa sqꞌuexan̈ vin̈aj Hemán chiꞌ scan ebꞌ vin̈ yin̈tilal vin̈aj Merari sbꞌitan paxi. A vin̈aj Etán scuchbꞌan ebꞌ vin̈ dꞌa bꞌit chiꞌ. Aton stzolal smam yicham vin̈aj Etán tic: Vin̈aj Quisi, vin̈aj Abdi, vin̈aj Maluc, vin̈aj Hasabías, vin̈aj Amasías, vin̈aj Hilcías, vin̈aj Amsi, vin̈aj Bani, vin̈aj Semer, vin̈aj Mahli, vin̈aj Musi, vin̈aj Merari yedꞌ vin̈aj Leví.

48 Axo juntzan̈ ebꞌ vin̈ scꞌabꞌyoc ebꞌ vin̈, an̈ejaꞌ yin̈tilal Leví ebꞌ vin̈, ix can ebꞌ vin̈ munlajel dꞌa stemplo Jehová.

49 A vin̈aj Aarón yedꞌ ebꞌ yin̈tilal, a ebꞌ sn̈usan ofrenda dꞌa altar bꞌaj stzꞌa silabꞌ yedꞌ dꞌa altar yic incienso. An̈ejtonaꞌ a ebꞌ tzꞌilan masanil opisio dꞌa jun Lugar Yicn̈ej Jehová yaji yedꞌ yic tzꞌacꞌji tup smul ebꞌ yetisraelal ebꞌ, icha val yutejnac vin̈aj Moisés schecabꞌ Dios yalancani. 50-53 Aton sbꞌi ebꞌ vin̈ yin̈tilal vin̈aj Aarón tic dꞌa stzolal: Vin̈aj Eleazar, vin̈aj Finees, vin̈aj Abisúa, vin̈aj Buqui, vin̈aj Uzi, vin̈aj Zeraías, vin̈aj Meraiot, vin̈aj Amarías, vin̈aj Ahitob, vin̈aj Sadoc, vin̈aj Ahimaas.

54-60 Aton juntzan̈ chon̈abꞌ tic yedꞌ smacbꞌen bꞌaj ix cajnaj ebꞌ vin̈ yin̈tilal vin̈aj Aarón. Ix och suerte dꞌa yibꞌan̈ ebꞌ vin̈. A dꞌa ebꞌ vin̈ yin̈tilal vin̈aj Coat ix em jun bꞌabꞌel macan̈, yuj chiꞌ a chon̈abꞌ Hebrón dꞌa yol yic Judá, a ix can dꞌa ebꞌ vin̈ yedꞌ sluumal dꞌa spatictac bꞌaj sva nocꞌ smolbꞌetzal nocꞌ ebꞌ vin̈. Palta a juntzan̈ yaldeail yedꞌ sluumal dꞌa spatictac chiꞌ acꞌbꞌil dꞌa vin̈aj Caleb yuninal vin̈aj Jefone. A dꞌa ebꞌ vin̈ yin̈tilal vin̈aj Aarón chiꞌ ix acꞌchaj Hebrón, aton jun chon̈abꞌ chiꞌ bꞌaj syal scolan sbꞌa ebꞌ smilancham junoc anima man̈ scꞌanoc scꞌool. Ix acꞌjipax juntzan̈xo chon̈abꞌ tic dꞌa ebꞌ: Libna, Jatir, Estemoa, Hilén, Debir, Asán yedꞌ Bet-semes. A juntzan̈ chon̈abꞌ chiꞌ, a dꞌa yol yic Judá ay. Axo dꞌa yol yic Benjamín ix acꞌchaj juntzan̈xo chon̈abꞌ tic: Geba, Alemet yedꞌ Anatot. A juntzan̈ chon̈abꞌ chiꞌ, 13 dꞌa smasanil, ix cann̈ej yedꞌ sluumal dꞌa spatictac bꞌaj syal sva nocꞌ smolbꞌetzal nocꞌ ebꞌ. 61 Yedꞌ dꞌa smacbꞌen yin̈tilal Manasés ay dꞌa stojolal bꞌaj tzꞌem cꞌu, ix acꞌchajpax lajun̈exo chon̈abꞌ dꞌa ebꞌ vin̈ yin̈tilal vin̈aj Coat chiꞌ.

62 Axo pax dꞌa ebꞌ vin̈ yin̈tilal vin̈aj Gersón, icha jay macan̈ yaj ebꞌ, 13 chon̈abꞌ ix acꞌchaj dꞌa ebꞌ. A juntzan̈ chon̈abꞌ chiꞌ ay dꞌa yol smacbꞌen ebꞌ yin̈tilal Isacar, ebꞌ yic Aser, ebꞌ yic Neftalí yedꞌ dꞌa yic ebꞌ Manasés ay dꞌa stojolal bꞌaj sjavi cꞌu, aton dꞌa Basán.

63 An̈ejaꞌ pax dꞌa ebꞌ vin̈ yin̈tilal vin̈aj Merari, ix acꞌchaj 12 chon̈abꞌ icha jay macan̈ yaj ebꞌ. A juntzan̈ chon̈abꞌ chiꞌ, a dꞌa yol smacbꞌen ebꞌ yin̈tilal Rubén ay, ebꞌ yic Gad yedꞌ ebꞌ yic Zabulón.

64 Ix acꞌchaj juntzan̈ chon̈abꞌ chiꞌ dꞌa ebꞌ yin̈tilal Leví yuj ebꞌ yetisraelal yedꞌ pax bꞌaj syal sva nocꞌ smolbꞌetzal nocꞌ ebꞌ dꞌa spatictac juntzan̈ chon̈abꞌ chiꞌ. 65 A dꞌa smacbꞌen Judá, yic Simeón yedꞌ yic Benjamín, ataꞌ ay juntzan̈ chon̈abꞌ toxo ix bꞌinaj ix acꞌchaj dꞌa ebꞌ yin̈tilal Leví chiꞌ, icha ix aj yicꞌan ebꞌ dꞌa suerteal. 66 Ay juntzan̈xo macan̈ yin̈tilal vin̈aj Coat ix chaan juntzan̈ chon̈abꞌ bꞌaj tzꞌaj ebꞌ dꞌa smacbꞌen ebꞌ yin̈tilal Efraín: 67 Aton Siquem dꞌa tzalquixtac dꞌa yol yic Efraín chiꞌ, aton dꞌa jun chon̈abꞌ chiꞌ syal scolan sbꞌa ebꞌ smilancham junoc anima to man̈ scꞌanoc scꞌool. Ix yicꞌanpax juntzan̈ chon̈abꞌ tic ebꞌ: Gezer, 68-69 Jocmeam, Bet-horón, Ajalón yedꞌ Gat-rimón. Masanil juntzan̈ chiꞌ ix yicꞌ ebꞌ yedꞌ bꞌaj syal sva nocꞌ smolbꞌetzal nocꞌ ebꞌ.

70 Yedꞌ dꞌa smacbꞌen yin̈tilal Manasés ay dꞌa stojolal bꞌaj tzꞌem cꞌu, ix schapax chon̈abꞌ Aner yedꞌ Bileam ebꞌ yedꞌ pax bꞌaj syal sva nocꞌ smolbꞌetzal nocꞌ ebꞌ.

71 Axo dꞌa ebꞌ vin̈ yin̈tilal vin̈aj Gersón, icha syal jay macan̈ yaj ebꞌ, ix acꞌchaj chon̈abꞌ Golán dꞌa yol yic Basán, chon̈abꞌ Astarot yedꞌ bꞌaj syal sva nocꞌ smolbꞌetzal nocꞌ ebꞌ. A chabꞌ chon̈abꞌ chiꞌ ay dꞌa yol smacbꞌen Manasés dꞌa stojolal bꞌaj sjavi cꞌu. 72-73 Ix acꞌchajpax juntzan̈xo chon̈abꞌ tic dꞌa ebꞌ dꞌa yol yic ebꞌ yin̈tilal Isacar: Cedes, Daberat, Ramot yedꞌ Anem. A dꞌa juntzan̈ chon̈abꞌ chiꞌ, ayn̈ej bꞌaj sva nocꞌ smolbꞌetzal nocꞌ ebꞌ. 74-75 Ix acꞌchajpax juntzan̈xo chon̈abꞌ dꞌa ebꞌ dꞌa yol smacbꞌen ebꞌ yin̈tilal Aser: Masal, Abdón, Hucoc yedꞌ Rehob. A dꞌa juntzan̈ chon̈abꞌ chiꞌ, ayn̈ej bꞌaj sva nocꞌ smolbꞌetzal nocꞌ ebꞌ. 76 Axo dꞌa yol smacbꞌen ebꞌ yin̈tilal Neftalí, ix acꞌchaj juntzan̈ chon̈abꞌ tic dꞌa ebꞌ: Cedes dꞌa yol yic Galilea, Hamón yedꞌ Quiriataim. A dꞌa juntzan̈ chon̈abꞌ chiꞌ, ayn̈ej bꞌaj sva nocꞌ smolbꞌetzal nocꞌ ebꞌ.

77 Axo dꞌa juntzan̈xo ebꞌ vin̈ yin̈tilal vin̈aj Merari, ix acꞌchaj juntzan̈ chon̈abꞌ dꞌa ebꞌ dꞌa yol yic ebꞌ yin̈tilal Zabulón: Rimón yedꞌ Tabor. A dꞌa juntzan̈ chon̈abꞌ chiꞌ, ayn̈ej bꞌaj sva nocꞌ smolbꞌetzal nocꞌ ebꞌ. 78-79 Axo dꞌa yol yic ebꞌ yin̈tilal Rubén dꞌa stojolal bꞌaj sjavi cꞌu dꞌa aꞌ Jordán, dꞌa yichan̈bꞌat Jericó, ix acꞌchaj juntzan̈ chon̈abꞌ tic dꞌa ebꞌ: Beser dꞌa jun acꞌlic tzꞌinan luum, Jaza, Cademot yedꞌ Mefaat. A dꞌa juntzan̈ chon̈abꞌ chiꞌ, ayn̈ej bꞌaj sva nocꞌ smolbꞌetzal nocꞌ ebꞌ. 80-81 Axo dꞌa yol yic ebꞌ yin̈tilal Gad, ix acꞌchajpax juntzan̈ chon̈abꞌ tic dꞌa ebꞌ: Ramot dꞌa yol yic Galaad, Mahanaim, Hesbón yedꞌ Jazer. A dꞌa juntzan̈ chon̈abꞌ chiꞌ, ayn̈ej bꞌaj sva nocꞌ smolbꞌetzal nocꞌ ebꞌ.