2 A sbꞌi ebꞌ yuninal vin̈aj Jafet: Aton vin̈aj Gomer, vin̈aj Magog, vin̈aj Madai, vin̈aj Javán, vin̈aj Tubal, vin̈aj Mesec yedꞌ vin̈aj Tiras. 3 A sbꞌi ebꞌ yuninal vin̈aj Gomer: Aton vin̈aj Askenaz, vin̈aj Rifat yedꞌ vin̈aj Togarma. 4 A sbꞌi ebꞌ yuninal vin̈aj Javán: Aton vin̈aj Elisa, vin̈aj Tarsis, vin̈aj Quitim yedꞌ vin̈aj Dodanim. 5 Aton ebꞌ tic yin̈tilal vin̈aj Jafet. Ix cajnaj ebꞌ dꞌa stitac aꞌ mar, junjun macan̈ yin̈tilal ebꞌ yedꞌ smacbꞌen yedꞌ stiꞌ syalaꞌ.

6 A sbꞌi ebꞌ yuninal vin̈aj Cam: Aton vin̈aj Cus, vin̈aj Mizraim, vin̈aj Fut yedꞌ vin̈aj Canaán. 7 A sbꞌi ebꞌ yuninal vin̈aj Cus: Aton vin̈aj Seba, vin̈aj Havila, vin̈aj Sabta, vin̈aj Raama yedꞌ vin̈aj Sabteca. A sbꞌi ebꞌ yuninal vin̈aj Raama: Aton vin̈aj Seba yedꞌ vin̈aj Dedán. 8 A vin̈aj Cus ay yuninal vin̈aj Nimrod. A vin̈aj Nimrod chiꞌ bꞌabꞌel ix och yajalil dꞌa scal ebꞌ chon̈abꞌ. 9 Te julum nocꞌ vin̈ dꞌa yichan̈ Jehová, yuj chiꞌ ay jun lolonel dꞌa scal ebꞌ anima tzꞌalan icha tic: Lajan vin̈ icha vin̈aj Nimrod, vin̈ te julum nocꞌ dꞌa yol sat Jehová,^* xchi jun lolonel chiꞌ. 10 A dꞌa sbꞌabꞌelal, yajal yaj vin̈aj Nimrod dꞌa yibꞌan̈ Babel, Erec, Acad yedꞌ Calne. A dꞌa yol smacbꞌen Sinar ataꞌ ay juntzan̈ chon̈abꞌ chiꞌ. 11 Ix lajvi chiꞌ, ix bꞌat vin̈ dꞌa Asiria. Ataꞌ ix sbꞌo chan̈exo nivac chon̈abꞌ vin̈: Aton chon̈abꞌ Nínive, Rehobot, Cala 12 yedꞌ Resén, aton jun chon̈abꞌ ay dꞌa scal Nínive yedꞌ Cala. A chan̈eꞌ chon̈abꞌ chiꞌ, junxon̈ej nivan chon̈abꞌil ix aji.

13 Axo dꞌa vin̈aj Mizraim ix cot ebꞌ Ludim, ebꞌ Anamim, ebꞌ Lehabim, ebꞌ Naftuhim, 14 ebꞌ Patrusim, ebꞌ Casluhim yedꞌ ebꞌ Caftorim. A dꞌa ebꞌ chiꞌ ix cot ebꞌ filisteo.

15 A vin̈aj Canaán smam vin̈aj Sidón yedꞌ vin̈aj Het. A vin̈aj Sidón chiꞌ, bꞌabꞌel unin vin̈. 16 A vin̈aj Canaán chiꞌ smam icham ebꞌ jebuseo, ebꞌ amorreo, ebꞌ gergeseo, 17 ebꞌ heveo, ebꞌ araceo, ebꞌ sineo, 18 ebꞌ arvadeo, ebꞌ zemareo, ebꞌ amateo. Ayic ix bꞌey tiempo ix saclemcanbꞌat ebꞌ cananeo chiꞌ. 19 A sluum ebꞌ, tzato cꞌoch dꞌa smojonal Sidón masanto dꞌa stojolal Gerar, masanto dꞌa Gaza. Scumlajxibꞌat luum dꞌa yol smacbꞌen chon̈abꞌ Sodoma, Gomorra, Adma yedꞌ Zeboim masanto scꞌoch lum dꞌa chon̈abꞌ Lasa. 20 Ataꞌ ix cajnaj ebꞌ yin̈tilal vin̈aj Cam, junjun macan̈ yin̈tilal ebꞌ dꞌa yol smacbꞌen yedꞌ stiꞌ syalaꞌ.

21 Axo pax vin̈aj Sem, vin̈ bꞌabꞌel vinac dꞌa vin̈aj Jafet, ay pax yuninal vin̈. A on̈ masanil on̈ tic, yin̈tilal on̈ vin̈aj Heber, cotnac on̈ dꞌa yin̈tilal vin̈aj Sem.^* 22 A ebꞌ yuninal vin̈aj Sem chiꞌ, aton vin̈aj Elam, vin̈aj Asur, vin̈aj Arfaxad, vin̈aj Lud yedꞌ vin̈aj Aram. 23 Axo ebꞌ yuninal vin̈aj Aram, aton vin̈aj Uz, vin̈aj Hul, vin̈aj Geter yedꞌ vin̈aj Mas. 24 A vin̈aj Arfaxad ay yuninal vin̈aj Sala, axo vin̈aj Sala chiꞌ ay yuninal vin̈aj Heber. 25 Axo vin̈aj Heber chiꞌ, chavan̈ yuninal vin̈, Peleg sbꞌi jun vin̈.^* A dꞌa yol stiempoal vin̈ tic ix pucaxcanbꞌat ebꞌ anima dꞌa sat lum luum tic. Axo junxo vin̈ scuchan Joctán. 26 A vin̈aj Joctán chiꞌ ay yuninal vin̈aj Almodad, vin̈aj Selef, vin̈aj Hazar-mavet, vin̈aj Jera, 27 vin̈aj Adoram, vin̈aj Uzal, vin̈aj Dicla, 28 vin̈aj Obal, vin̈aj Abimael, vin̈aj Seba, 29 vin̈aj Ofir, vin̈aj Havila yedꞌ vin̈aj Jobab. Masanil ebꞌ tic, a vin̈aj Joctán ay yuninal ebꞌ. 30 Ix cajnaj ebꞌ dꞌa lum scot dꞌa Mesa, masanto scꞌoch dꞌa Sefar dꞌa tzalquixtac dꞌa stojolal bꞌaj sjavi cꞌu. 31 Ataꞌ ix cajnaj ebꞌ yin̈tilal vin̈aj Sem, junjun macan̈ yin̈tilal ebꞌ dꞌa yol smacbꞌen yedꞌ stiꞌ syalaꞌ.

32 Masanil juntzan̈ anima tic, a ebꞌ yuninal vin̈aj Noé ay yin̈tilal ebꞌ, junjun macan̈ yin̈tilal ebꞌ yedꞌ smacbꞌen. Ayic ix lajvi yecꞌ jun oval aꞌ mucvajum chiꞌ, ix saclemcanbꞌat ebꞌ. A dꞌa ebꞌ tic ix pitzvi juntzan̈ nación ay dꞌa yolyibꞌan̈qꞌuinal tic.