Tub mbecy ricy gyidz yu ub yu lo Ñgyoozh: tub riidz ni Dabi
131
Ñgyoozh,
Shuaan de̱,
ya̱ walab nu rnii to̱o̱ nu dzi coz ily naca̱.
Ni walab nu rnii to̱o̱ nu naca̱ mbecy lily.
Walab nu ricy pe̱e̱ nu gyicya̱ coz ily,
coz nu wacyiiña̱ gyicya̱.
2 Lugaar nu gyicya̱ ndeꞌ,
ya̱ naca̱ mbecy nu ri ri nañ lardoo.
Gal nu na mdoo nu ri ri nañ lardooy ornu riy yeñ yaa ñaay
ornu rlazh ragy yu,
niꞌ ziꞌl ri ri nañ lardo̱o̱.
3 De ru mbecy Israeel,
briish lo der lo Ñgyoozh,
Shuaan na,
na gal nu par tub la.