Tub mbecy nu rzac deet rbez yu par nu locyuub Ñgyoozh yu
130
Ornu zu̱ lo rishdzidz,
orzeꞌ dredza̱ ru,
Ñgyoozh.
2 Bzuub gyidag de riidz nu rne̱e̱ lor.
Bzuub gyidag ornu rnishba̱a̱ lor.
3 Ñgyoozh,
benu griib cuen ru dela cyi nu bicy de̱,
orzeꞌ ¿cyu gac gruu caacy?
4 Tees ru ricy sulagy ru ne̱ de̱,
gun orzeꞌ de mbecy nir dzib lagy yu lor.
5 Nu dutuub la lardo̱o̱ leza̱ Ñgyoozh nu locyuub mi ya̱,
nunu ya̱ ricy cupa̱ consuel lo de riidz nim.
6 Dzi ga rlala̱ nu gyel cyid ru,
Shuaan na,
gal nu ricy de mbecy nu rña ruꞌ gyedz rel,
nu rlal dey nu gyel zaꞌ yu.
7 Mbecy Israeel,
briish lo lo Ñgyoozh,
Shuaan na,
gun mi zeꞌ zaab rca lam de mbecy nim,
nunu dub laa tiem zu lily mi nu co mbañ mi dey.
8 Mi zeꞌ gyicy mi nu gla de mbecy Israeel lo dela cyi nu ricy yu.