De mod nu ricy nu Ñgyoozh de mbecy nim
128
Dzi nir benu rdzib lagy ru lo Ñgyoozh,
nunu benu rzuub gyidag ru nim.
2 Orzeꞌ gad de gyel mbañ nu gow ru nu nac de riiñ nu ricy ru.
Gzu cyit lagy ru,
nunu gruu nap ru.
3 Zeꞌ mñaar cuic ñi zañ iꞌñ ru nañ yuꞌr.
Fiñ zeꞌ nañ gal nu na tub lyucy ni urbyay nu ye la taꞌ urbyay niñ.
Zigy de yu nguzh nir guay dub yub la ruꞌ mez nir,
gal nu na ich yag oliva ornu bicy la driib iꞌñ ñi.
4 Ni mod na de coz nap nu ricy nu Ñgyoozh de mbecy nu rdzib lagy lom.
5 ¡Ñgyoozh nap gyicy num de ru nese gal too bicy Sión!
¡Nunu gzac ru de coz nap nu gac gyedz Jerusaleeng de dzi la lat nu mbañ ru!
6 Cyiiñ ru gyishlombecy ii gal gzac lo lar de yag ru.
Gac de coz nap lat de mbecy Israeel.