Dela coz nap gruuñ lo Ñgyoozh, tub riidz ni rey Solomoong
127
Benu walab ub la Ñgyoozh zaam tub yuꞌ,
orzeꞌ de yu nu ricy riiñ leew la ricy dey riiñ.
Benu Ñgyoozh wañam tub gyedz,
orzeꞌ se la la cyiiñ ñi mas rña mbecy ñi.
2 Se la la cyiiñ ñi mas gua la dzi zuy lo riiñ,
nunu dzi bi rel raas ru nu dzi fert ricy ru riiñ
nu gad de coz nu gow ru.
Zeꞌ de mbecy nu rcam,
mas lat nu nas dey
rbic mi de coz nu cyiiñ niy.
3 Zeꞌ de iꞌñ na nu rbic Ñgyoozh,
de yu zeꞌ gyel nap nu rbic mi ni den.
Orzeꞌ nap gzac na nu nac de yu zeꞌ.
4 De mdoo nu ral ni de mbecy ornu zu dey gyel feñ,
de yu nguzh zeꞌ na dey
gal nu na gyech ni guaz nu rzeed de soldad.
5 Dzi ni mbecy benu dza laa nañ gyid yuꞌ gyech ni guaz niy yuꞌ gyech.
Orzeꞌ rila waruu gyel mbecy niy,
ornu dzeel loy de losaꞌ yuuy lugaar zeꞌ nu rzaꞌ lo de mbecy de gyel chaꞌ ic.