Mbecy rgyiiñ yu lo Ñgyoozh nu gyicy mi nu cush cya de mbecy nim ledz yu
126
Ornu Ñgyoozh bicy mi nu byanap de mbecy Sión tuubaꞌ tir,
orzeꞌ se rlyu nu pcaal ziꞌl bguuñ den ni de coz nu bicy mi.
2 Orzeꞌ tonaꞌ la bigy den nu bet lagy na.
Tantaꞌ brishti den nu nac nu dzi bet lagy na.
Orzeꞌ de mbecy nu walab mbecy Israeel na dey:
“Tonaꞌ la coz ily bicy Ñgyoozh ni de yu re”,
na dey.
3 Rishli,
tonaꞌ la coz ily bicy Ñgyoozh ni den.
Tonaꞌ la gusu cyit lagy de ub na.
4 Ñgyoozh,
Shuaan de̱,
bicy nu gruu nap de̱ tuubaꞌ tir
gal nu ricy gyey nu de gyerlas wach.
Gyoow la yac ñi tuubaꞌ tir.
5 Ornu nu nis urlo de mbecy rnuuz yu de mbigy,
orzeꞌ de yu zeꞌ cush tiy nu gyet lagy yu ornu teꞌy cosech.
6 De mbecy nu ruun ornu ca ich yu nerbid nu yuꞌ mbigy,
de yu zeꞌ cushti dey nu gyet lagy yu ornu griy yuꞌy,
gun bri nuy cosech.