Ñgyoozh zaab ic mi de mbecy nim: tub riidz ni Dabi
124
Ti cueꞌ nu Ñgyoozh nac num den,
orzeꞌ ¿la coz ñgyac?
De ru mbecy Israeel,
na,
mnii der ben.
2 Ti cueꞌ nu Ñgyoozh nac num den tiem nu de losaꞌ yuun pshet yaay de ub na,
3 orzeꞌ ñgyicy nu dey de ub na gal nu ricy bañcyug ily,
nu gal mbañ laa de bañcyug miꞌ rab ma gyiꞌ nu tantaꞌ rzi lagy dey lo den.
4 Ñgya nu nis yu de ub na,
ti cueꞌ nu gua num den.
Orzeꞌ mbish nis yu zeꞌ toon.
5 Orzeꞌ ¡loc la mbish nis too den!
6 Orzeꞌ na briic der gras ni Ñgyoozh,
Shuaan na,
gun wanseeñ mi den yaa de losaꞌ yuun.
7 Brib dze den gal nu ricy tub chigyiñ
ornu driib ma nañ caa nu rzu mbecy nu rza guuz ma.
Bduzug caa zeꞌ.
Orzeꞌ bla den.
Bruun nañ ñi zan.
8 Ñgyoozh,
biñ nu psaꞌ lagy gyishlombecy gal nu gyibaa,
mi zeꞌ biñ nu locyuub de ub na.