Mbecy rgyiiñ yu lo Ñgyoozh nu gashni lagy mi yu
123
Ñgyoozh,
Shuaan de̱,
ya̱ rshes nañ lo̱ par zeꞌ nu zur lat nu rne̱e̱ du̱ ru.
Rgüi̱i̱ zeꞌ nu zu ru,
biñ nu riib ic gyibaa.
2 Gal nu ricy moz nu rgyish loy lo patro̱o̱ niy,
gal nu ricy tub fiñ mñaa nu rgyish loñ lo biñ nu nac patro̱o̱ niñ,
niꞌ ziꞌl mod drish lo̱ de̱ ya̱ lo ru,
Ñgyoozh,
Shuaan de̱,
gashtal gashnii la lagy ru de̱ ya̱.
3 Gushni lagy de̱,
Ñgyoozh,
Shuaana̱.
Gushni lagy de̱,
gun tonaꞌ la rgüii naañ de mbecy lo̱ de̱.
4 De mbecy guaniꞌñ,
rguu bdzaay de̱ ya̱ nese gulas.
Zeꞌ de mbecy leꞌ rnii ziy ne̱ de̱.