Ñgyoozh zaab ic mi de ub na: tub riidz ni Dabi
121
Ya̱ rgüi̱i̱ de too bicy zeꞌ nu gya.
¿Ca gruu zac biñ nu locyuub ya̱?
2 Ñgyoozh,
Shuaan na,
mi zeꞌ biñ nu locyuub ya̱.
Mi zeꞌ biñ nu psaꞌ lagy gyishlombecy nu de baa.
3 Mi zeꞌ wazaan mi nu lagy gyiꞌr,
nunu mi zeꞌ wagaas mi,
gun dub laa tiem zum altant nu nac der.
4 Laab mi zeꞌ rñam de mbecy Israeel,
gun orzeꞌ cueꞌ chuꞌ coz deet lat dey.
Nunu rila wagaas mi.
5 Ñgyoozh ñam de ru,
nunu gac num der.
Se la la coz gzac ru,
gun mi zeꞌ zaab ic mi de ru.
6 Or widoo se la la gyicy nu ba ni doo güidz de ru.
Niꞌ ziꞌl rel se la la gyicy nu beey ru.
7 Ñgyoozh zaab ic mi de ru.
Orzeꞌ de coz rishdzidz se la la gyicy nuñ ru.
Gyicy mi nu a̱ꞌ rishdzidz cyiiñ der.
8 Mi zeꞌ ñam de ru ornu ruur nu char ca ziꞌl lugaar,
nunu ñam ru ornu cush cyar nu grir.
Ni ricy mi na,
gal nu par tub la.