Lo Ñgyoozh druu fers ni rey: tub riidz ni Dabi
110
Ñgyoozh, Shuaan na, nam rab mi shuaan na.Orzeꞌ nam: “Bzub par yaa be̱e̱,
gashtal gyicy la̱ nu gyicy ru gan de losaꞌ yuur”, nam.
2 Gashtal gyedz Sión gyicy Ñgyoozh nu gyicy ru gyel gubier nir.
Orzeꞌ nam: “Byub ic de losaꞌ yuur”, nam.
3 Dzi nu chucoo nur de losaꞌ yuur,
orzeꞌ de mbecy nir “O” nii dey nu dutuub la lardooy nu cha nuy ru.
Too bicy yon nir gyatublaazh dey.
Gabe dey gal nu rabee gup nu nguaa lo yu or zaꞌ yu.
4 Ñgyoozh, Shuaan na, mniim tub riidz nu waded la gyicy mi,
nunu rila wachaam shcab nim.
Orzeꞌ nam: “Ru dugyir riiñ nu zu uz
nu cyid ru lo̱ por cuen ni de mbecy par tub la.
Laab riiñ nu bzu Melquisede, ndeꞌ gyiyeeñ ru na”, nam.
5 Ñgyoozh zum par yaa beer.
Ornu dzaꞌm orzeꞌ gyicy mi gan de mbecy nu riib ic de reñaꞌ mbecy.
6 Mi zeꞌ cuic mi cashtig ni de mbecy nu gruu reñaꞌ lugaar.
Orzeꞌ cuerp ni de mbecy soow lañ lo yu ornu chuꞌ dey gyel yuu.
Mi zeꞌ gyicy mi gan dela mbecy nu riib ic losaꞌ,
de yu nu gruu dela lugaar ni gyishlombecy.
7 Orzeꞌ rey ni den goꞌy nis gyoow nu ri cuit nez.
Orzeꞌ gad fers niy nu nac nis zeꞌ tuubaꞌ tir.