Nac naa mbecy ni Ñgyoozh
100
Biily der lo Ñgyoozh,
Shuaan na,
dela de ru mbecy nu yuꞌ gyishlombecy.
2 Gucyit lagy der nu nac mi.
Biily der de riidz nu cyit rnii ornu gyechaꞌr lom.
3 Bicy der nu gad lagy ru nu mi zeꞌ Ñgyoozh.
Mi zeꞌ psaꞌ lagy mi de ub na,
nunu de ub na nac naa mbecy nim.
Na den gal nu na shily nu rñam.
4 Orzeꞌ briic der gras nim,
ornu chuꞌr gyeroꞌ yon nim.
Briib zily der mi ornu chuꞌr gyeroꞌ wedz nim.
Briic der gras nim nunu briib zily der mi.
5 Ñgyoozh dzi nap mi.
Rila wachecam nu rcam mbecy.
Rila wachecam nu ricy paam nu de mbecy.