Ñgyoozh nac mi biñ nu riib ic
93
Ñgyoozh,
Shuaan de̱,
mi zeꞌ nac mi rey ne̱ de̱.
Gyel lily nim nu fers nim nañ gal nu na shab rey.
Ru Ñgyoozh,
Shuaan de̱,
fert bzuub ru gyishlombecy seꞌñ.
Zeꞌ nu bzuub ruñ rila waruu chuñ.
2 Ñgyoozh,
Shuaan de̱,
ru nil riib ic ru nese gulas.
Nese anzir nu gzub gyiꞌ gyishlombecy,
ru nil bi zur gua la tiem par ich.
3 Ñgyoozh,
Shuaan de̱,
nis ni nisyudoo ye la rziigy ñi.
Ye la ricy ñi nu zu redz.
4 Zeꞌ Ñgyoozh,
biñ nu riib ic gal gyibaa,
mi zeꞌ fert zir mi gazeꞌ nis ni nisyudoo.
Fert zir mi gazeꞌ de nguuly nu rded lo nisyudoo.
5 Ñgyoozh,
Shuaan de̱,
de riidz nu rniir wanit loñ.
Zuñ tub la.
Nunu cyit rabee yuꞌ yon nir par tub la,
gun zeꞌ zur.