Ñgyoozh, dzach da güiir ya̱: tub riidz ni Dabi
70
Ñgyoozh,
Shuaan na,
bloo mbañ ya̱.
Nunu blocyuub ya̱ na.
2 Dzi ga nap benu nit lo de mbecy nu rlagy cut ya̱.
Dzi ga nap benu can shcab ni dey.
Dzi ga nap benu gya zet de mbecy nu yet lagy nu rzac deeta̱.
Dzi ga nap benu gruu gyel mbecy ni dey.
3 De mbecy nu bigy nu naañ ya̱,
dzi nap benu cha nu ic yu ornu laab ub yu nit loy.
4 Zeꞌ de mbecy nu ryub ru,
Ñgyoozh,
gyet lagy dey,
nunu chesu cyit lagy yu.
Orzeꞌ de mbecy nu rbic gras nir nu nac nu bruu mbañ dey,
orzeꞌ nii dey:
“Tonaꞌ la zily nac Ñgyoozh”,
nii dey par tub la.
5 Ya̱ naca̱ mbecy gyidz,
nunu naca̱ mbecy shni.
Dzach ru da güiir ya̱.
Bicy lal nu locyuub ru ya̱,
gun ru nac ru biñ nu co mbaña̱,
nunu nac ru Shuaana̱.