De lo la mbecy gyabic dey gyel mbecy ni Ñgyoozh: tub riidz cyit
67
Ñgyoozh,
gushni lagy de̱ ya̱,
nunu nap bicy nu de̱,
nunu nap bgüii lo̱ de̱.
2 Gun orzeꞌ dela mbecy nu yuꞌ gyishlombecy gad lagy dey lac mod rlagy ru.
Orzeꞌ dela mbecy nu walab mbecy Israeel gad lagy dey lac mod gruu mbañ yu.
3 Ñgyoozh,
de mbecy gyabic dey gyel mbecy nir.
Gyabic delay gyel mbecy nir.
4 De mbecy nu walab mbecy Israeel zu cyit lagy dey.
Gul dey lor nu nac nu yet lagy yu.
Gun ru ri beer ni de mbecy mod nu seꞌñ.
Orzeꞌ ru gyub ic ru de lo la nez mbecy nu yuꞌ gyishlombecy.
5 Ñgyoozh dela mbecy gyabic dey gyel mbecy nir.
Gyabic delay gyel mbecy nir.
6 Ñgyoozh,
de yu briic ñi cosech,
gun ru,
Ñgyoozh ne̱ de̱,
nap bicy nur de̱ ya̱.
7 Ñgyoozh,
nap bicy num den.
Ndeꞌ nu na dela mbecy nu yuꞌ gyishlombecy dzib lagy dey lor.