Tub riidz nu mnii Dabi ornu blazh mnii de mbecy zifeo nu Dabi rcach loy lat dey
54
Ñgyoozh bloo mbañ ya̱,
gun ru nac ru biñ nu gac gyicy dela coz ily.
Bicy nu gla̱,
gun ru nac ru biñ fert.
2 Ñgyoozh,
bzuub gyidag ne̱ ornu rne̱e̱ du̱ ru.
Bduꞌ cuen de riidz nu rne̱e̱.
3 Bi yad de mbecy leꞌ nu shet yaa dey ya̱.
De mbecy dañ ryub dey mod nu cut yu ya̱.
De yu zeꞌ nac dey mbecy nu wagyicy cuen ru,
Ñgyoozh.
4 Tees Ñgyoozh,
ru nac ru biñ nu locyuub ya̱.
Ru wazaan ru nu gata̱.
5 De coz a̱ꞌ nap nu ricy de losaꞌ yu̱u̱,
ru,
Ñgyoozh,
gyicy ru nu de ndeꞌ gyac ñi cashtig par de ub yu.
Orzeꞌ nit lor dey,
gun ru nac ru biñ nu ricy paa.
6 Orzeꞌ ya̱ dub gusht la grica̱ tub gun lor.
Ya̱ grica̱ gras nir,
Ñgyoozh,
gun ru dzi nap ru.
7 Ru bloo mbañ ru ya̱ lat dela coz deet,
nunu bzaac urlo la̱ nu mnit lo de losaꞌ yu̱u̱.