Coz ily nac Sión, gyedz ni Ñgyoozh: Tub riidz ni mbecy nez Coré
47
Dela de ru mbecy,
briich yaa der gyiꞌ nu dzi yet lagy ru.
Ye la biily der nu de riidz nu ryabic gyel mbecy ni Ñgyoozh.
2 Dzib lagy na lo Ñgyoozh,
biñ nu nac Shuaan na,
biñ nu gya zir zu.
Mi zeꞌ Rey ni den.
Tonaꞌ la lily nam.
Riib ic mi dutuub la gyishlombecy.
3 Mi zeꞌ bicy mi nu bicy den gan de losaꞌ yuun.
Nunu bicy mi nu gyub ic den zañ nac mbecy.
4 Pcuim tub lugaar nu briic mi nu cyiiñ den.
De ub na,
mbecy nim nu dzi rcam,
ricy leꞌ den nu nac ñii.
5 De mbecy rbishti dey,
nunu rlaa dey nguaz shily
lat nu rzup Ñgyoozh nu yam
nu chuꞌm seꞌm nu gyicy mi gyel fushtiz nim.
6 Biily der riidz nu ryabic gyel mbecy ni Ñgyoozh.
Biily der nu ryabic ru gyel mbecy nim,
gun mi zeꞌ nac mi rey ni den.
7 Mi zeꞌ rey nu riib ic dutuub la gyishlombecy.
Byabic der gyel mbecy nim nu tub cant.
8 Mi zeꞌ zub mi lo yashily yon nim,
zeꞌ nu ricy mi gyel fushtiz.
Gal zeꞌ riib ic mi de lo la mbecy.
9 De fushtiz nu riib ic de reñaꞌ mbecy ryatublaazh dey
nu de mbecy ni Ñgyoozh,
biñ nu briib zily Abraang.
Gun mi zeꞌ fert zir mi gazeꞌ dela fushtiz gyishlombecy.
Mi zeꞌ gya zir zum.