Gyey bi ily rlyuuñ nu dzi fert Ñgyoozh: Tub riidz ni Dabi
29
De ru mbecy gyibaa byabic der gyel ni mbecy Ñgyoozh.Mnii nu lily nam nunu fert mi.
2 Byabic der gyel mbecy nim.
Briib zily der mi nañ yuꞌ nim.
3 Zaab tiꞌ Ñgyoozh rniim lo nisyudoo.
Mi zeꞌ biñ lily nu rnii gal nu rnii guzii.
Mi zeꞌ zum lo nisyudoo ily.
4 Ornu rniim rabee nu dzi fert mi,
nunu ornu rniim rabee nu dzi zily nac mi.
5 Ornu rniim, orzeꞌ rlaꞌ de ya gyicy ily,
mas gal de ya gyicy ily nu nash Libano.
6 Ornu driib duru,
ricy mi nu rcueñ de bicy Libano nu bicy Sirión
gal nu ricy tor nu bicer
ornu yes nañ de ma nu rgyit ma.
7 Ornu rniim, ricy mi nu rzu gyi ni guzii.
8 Ornu rniim, ricy mi nu rcueñ de lugaar ub zi.
Rcueñ mi lugaar ub zi nu la Cades.
9 Ornu rniim, orzeꞌ rgyib mi de ya cyigy,
nunu ricy mi nu yayagy de ngush,
nunu lat zeꞌ, dela mbecy driib zily dey mi nañ yuꞌ yon nim.
10 Ñgyoozh riib ic mi ornu yet gyey ily.
Mi zeꞌ rey nu riib ic tub la.
11 Orzeꞌ Ñgyoozh rbic mi fers ni de mbecy nim.
Nap ricy num dey, nunu ricy mi nu ri ye lagy dey.