Dabi rniiy la na mbecy a̱ꞌ nap
14
De mbecy ton rnii tooy nu sac Ñgyoozh.
Dela dey mnuy.
Bded ruꞌ gaꞌ la ricy dey coz a̱ꞌ nap.
Lat de yu zeꞌ sac yu nu nap ricy.
2 Gal gyibaa zu Ñgyoozh rgüiim lo mbecy
ben a warusu ca na tub mbecy nu yuꞌ shcab ni nu yub yum.
3 Tees dela dey gudzay.
Delay mnuy.
Sac yu nu ricy coz nap.
Sac ni tub yu.
4 Orzeꞌ na Ñgyoozh:
“¿A wagad lagy la dey,
de mbecy nu shiñ ricy ii?
Zaꞌ lo dey de mbecy ne̱ gal nu zaꞌ lo dey gyishtily ornu row yuñ,
nunu rila wagnii nu dey ya̱”,
nam.
5 Tees despuees,
orzeꞌ gash la bis dey nu dzib yu.
Tees Ñgyoozh nac num de mbecy nu rzuub gyidag nim.
6 De mbecy a̱ꞌ nap zeꞌ rgubdzaa dey de coz nu rlagy de mbecy shni nu gyicy yu,
tees Ñgyoozh wazaan mi nu zac dey ni tub la coz.
7 ¡Dzi ga nap benu lat gyedz Sión gruu zac mod nu gruu mbañ mbecy Israeel!
Tonaꞌ la gyet lagy de mbecy Israeel
ornu Ñgyoozh gyicy mi nu gruu nap dey tuubaꞌ tir.