Dabi rnii nuy Ñgyoozh nu locyuub mi yu
13
Ñgyoozh,
¿la be ruꞌ tiem nit lagy ru ya̱?
¿A tub la mnit lagy ru ya̱?
¿La be la tiem cach lor lo̱?
2 ¿La be la tiem zac zi̱ nañ lardo̱o̱?
¿La be la tiem gyicy shni dub laa dzi?
¿La be la tiem gyicy losaꞌ yu̱u̱ gan ya̱?
3 Ñgyoozh,
¡bicy cuen ya̱,
nunu bicy gal nu rne̱e̱!
¡Doo fers ne̱!
¡Cueꞌ zaan ru nu gata̱!
4 ¡Cueꞌ zaan ru nu nii de losaꞌ yu̱u̱:
“Bi bicy na gan yu”,
nii dey!
¡Cueꞌ zaan ru nu gyet lagy dey ornu waruu napa̱!
5 Tees ya̱ drish lo̱ lor nu car ya̱.
Nunu ya̱ zu cyit lagya̱ gun ru co mbañ ru ya̱.
6 ¡Ya̱ dula̱ lo Ñgyoozh,
gun bicy mi coz nap num ya̱!