Dabi ricy cup yu consuel lo Ñgyoozh
11
Ñgyoozh, lo ru yapa̱ par nu gyicy ru nu glaa lagya̱ nu nac de losaꞌ yu̱u̱.De ru losa̱ꞌ, rnii ton la der lo̱ ornu rniir: “Briib dze.
Gua too bicy gal nu ricy chigyiñ,
2 gun de mbecy a̱ꞌ nap bi pcaa dey gyech lo duu lyaar ni guaz niy.
Orzeꞌ na bi rshac dey duu lyar zeꞌ.
Orzeꞌ zeed dey gyech zeꞌ par zeꞌ nu cow too mbecy nu nap ricy.
3 Ornu de mbecy a̱ꞌ nap nit loy gyel fushtiz ledz yu,
orzeꞌ de mbecy nap sacaꞌ de coz nap nu gyicy yu”, rnii dey.
4 Ñgyoozh zum lugaar zeꞌ nu bzu chum nu gac nim.
Zeꞌ gyibaa zu lugaar zeꞌ nu riib ic mi.
Orzeꞌ se mbi la rzac mi de mod nu ricy mbecy.
5 Nap rguꞌ cuen mi de mbecy nap, gal nu de mbecy a̱ꞌ nap.
Nu dutuub la lardoom rzi lagy mi lo de mbecy nu gusht ni nu rshet zi losaꞌ.
6 Orzeꞌ too de mbecy a̱ꞌ nap zeꞌ shet mi boo rely nu azufre.
Orzeꞌ gyicy mi nu ruu tub bi zig nu zac zi dey.
7 Ñgyoozh ricy mi coz nu seꞌñ,
nunu yet lagy mi ornu mbecy ricy dey coz nu seꞌñ.
Orzeꞌ de yu nu ricy coz nu seꞌñ zu dey lom.