Coz nu nii mbecy lo Ñgyoozh lat nu rzac deet yu: Tub riidz nu bzeeñ Dabi
6
A̱ Ñgyoozh,
cueꞌ gyidzaꞌr ne̱ nu nac nu rzi lagy ru.
Ni cueꞌ cuic ru cashtig ne̱ nu nac nu rchaꞌ ic ru.
2 A̱ Ñgyoozh,
gushni lagy ya̱,
gun rsuun ñi ya̱.
A̱ Ñgyoozh,
bicy yac ya̱,
gun rata̱ gal nañ rita̱.
3 Ya̱ dzi deet rac nañ lardo̱o̱.
Zeꞌ ru Ñgyoozh,
¿gulaꞌ locyuub ru ya̱?
4 A̱ Ñgyoozh,
bish cya gaꞌ.
¡Bloo mbañ ya̱!
¡Bloo mbañ ya̱ nu nac nu rcar ya̱!
5 Gun ni tub la mbecy,
benu bi gut yu,
wagyezaꞌ lagy yu ru.
¿Cyu gyabic gyel mbecy nir zeꞌ nu yuꞌ mbecy gut?
6 Blazh la fers ne̱ tantaꞌ nu rzuub ti̱ꞌ.
De rel la ryoꞌ nuun ne̱ nu rduna̱.
Dela almad ne̱ ryoꞌñ nu nis urlo̱.
7 Bi rduzub la urlo̱ nu nac nu rduna̱.
Wacsac napa̱ꞌ nu nac de losaꞌ yu̱u̱.
8 ¡De ru mbecy shiñ ricy,
bruu chu der lo̱!
Gun Ñgyoozh güeñ mi ornu bduna̱ lom,
9 nunu bzuub gyidag mi ne̱ ornu bdiña̱ lom nu locyuub mi ya̱.
“O” mniim ornu mne̱e̱ dum.
10 De losaꞌ yu̱u̱ gruu toꞌ lo dey,
nunu gzac deet dey.
¡Sij ziꞌl grong dey gruu chuy nu gat loy!