Ñgyoozh zaab ic mi mbecy ornu raas yu: Tub riidz ni Dabi
4
Ñgyoozh,
biñ nu rzaab ic ya̱,
mnii nu ya̱,
ornu ya̱ rne̱e̱ du̱ ru.
Ru blocyuub ru ya̱ lat nu bzaca̱ coz deet.
Orzeꞌ na gushni lagy ya̱,
nunu bzuub gyidag coz nu rne̱e̱ lor.
2 De ru mbecy lily,
¿gulaꞌ checa der nu rboor gyel mbecy ne̱?
¿Gulaꞌ checa der nu yet lagy ru coz nu se la la sac,
de coz nu walab rishli?
3 Bicy der nu gad lagy ru nu Ñgyoozh bi bloo sum de mbecy nu ricy paa nim nu gac dey nim.
Nunu mi zeꞌ reñ mi ornu ya̱ rne̱e̱ du̱m.
4 Gash la bis der,
nunu cueꞌ gyicy der cyi.
Lat nu riib ri der lo nuun,
orzeꞌ bee nu ic ru riidz nu nac coz nu rne̱e̱.
5 Briic gun lo Ñgyoozh gal mod nu rlagy ñi,
nunu bicy cup consuel lom.
6 Yuꞌ zigy mbecy nu rniiy:
“Dzi ga nap benu dzi ni den.
Orzeꞌ nap bicy nu de̱ ya̱.”
7 Ru bicy ru nu zu cyit zir lagya̱
gazeꞌ de mbecy nu ricy cup sheñ gyez nu sheñ ñup.
8 Ñgyoozh,
ya̱ nu gyel ri zu chegyita̱ dasa̱,
gun tub zi la ru ricy ru nu a̱ꞌ rishdzidz rcyiiña̱.