114
Gate beledxúaj benneꞌ Israel caꞌ lu xe̱zr la xu Egipto,beledxúaj zriꞌine zre sua Jacob lu xe̱zr la xu chee̱
benneꞌ zituꞌ caꞌ,
2 naꞌ gulaca zriꞌine zre sua Judá ca tu xuꞌu lizre Dios,
gulaca benneꞌ Israel caꞌ naga dxenná be̱ꞌe̱.
3 Bleꞌe Nísadauꞌ Xrna da nigá, naꞌ bzrunnuj na,
naꞌ gugá xe̱gu Jordán.
4 Gulexrite xiꞌa zriꞌa caꞌ ca dxelexrite chivo caꞌ,
naꞌ gulexrite xíꞌadu caꞌ ca dxelexrite chíbudu caꞌ.
5 ¿Bizra guca chiuꞌ, nísadauꞌ, laweꞌ da be̱n na bzrúnnujuꞌ?
¿Bizra guca chiuꞌ, xe̱gu Jordán, laweꞌ da be̱n na gugúꞌ?
6 Leꞌe, xiꞌa zriꞌa caꞌ, ¿Bizr chee̱ naꞌ guxrítele ca dxelexrite
chivo caꞌ?
Leꞌe, xiꞌadu caꞌ, ¿Bizr chee̱ naꞌ guxrítele ca dxelexrite
chíbudu caꞌ?
7 Dxezrize xe̱zr la xu lau Xránadxu Dios, lau Dios chee̱ Jacob.
8 Dios nigá be̱ne̱ꞌ bexaca xiaj xreꞌ tu beaj nisa,
naꞌ bexaca xiaj tu ga dxalaj nisa.