95
Le da, güe láꞌanadxu Xránadxu Dios dute̱ xel-laꞌ dxebé.Dute̱ xel-laꞌ dxebé gúl-ladxu chee̱ Bénneaꞌ nuzúa chúchue̱ꞌ
dxiꞌu naga ladxu.
2 Cheajdxu lau Le̱ꞌ, ne xe̱dxu Le̱ꞌ: Xcalenuꞌ.
Dute̱ xel-laꞌ dxebé gúl-ladxu da güe láꞌanadxu Le̱ꞌ.
3 Naca Xránadxu tu Dios szrente̱,
ne naque̱ꞌ Wenná Bea szrente̱ laweꞌ dios caꞌ chee̱ bénneache.
4 Dxenná béꞌene̱ꞌ du gabíꞌi xe̱zr la xu,
naga naca situj, ne naga naca sibe chee̱ xiꞌa caꞌ.
5 Dxenná béꞌene̱ꞌ nísadauꞌ da núnqueze Le̱ꞌ,
ne cáꞌanqueze xe̱zr la xu da be̱ne̱ꞌ.
6 Le da, gucáꞌana szrendxu Le̱ꞌ, gátadxu sudxúꞌala.
Guzú zríbedxu lau Xránadxu, Bénneaꞌ nune̱ꞌ dxiꞌu.
7 Le̱ꞌ naque̱ꞌ Dios chee̱dxu.
Nácadxu benneꞌ caꞌ dxuxúequeze̱ꞌ, ne nácadxu ca zrílaꞌdu caꞌ
cheé̱queze̱ꞌ.
8 Che dxenle chiꞌe̱ naꞌa zra, quebe gun zideꞌ lázrdaule
ca belún xra xrtáule caꞌ naga nazí le na Meriba,
ne ca belune̱ꞌ lu zra naꞌ le̱ꞌe̱ xixreꞌ laweꞌ lataj naga
nazí le na Masah,
9 naga bulucháꞌa xra xrtáule nedaꞌ, ne belune̱ꞌ nedaꞌ da ste̱be
lácala beleléꞌene̱ꞌ xúgute̱ da be̱naꞌ.
10 Laweꞌ chua iza beditaj lazraꞌ chee̱ benneꞌ caꞌ,
naꞌ gunníaꞌ: Zaj naque̱ꞌ benneꞌ dxelebéaj xíchaje̱ꞌ nedaꞌ,
ne quebe dxelune̱ꞌ ca da dxuléꞌedaꞌ le̱ꞌ.
11 Chee̱ le̱ naꞌ, dute̱ xel-laꞌ dxezráꞌa chiaꞌ bzetaj cuinaꞌ gunníaꞌ:
Quebe xelexúꞌuqueze̱ꞌ naga xelexezíꞌ lazre̱ꞌ nen nedaꞌ.