à hã ibaihâ na Paulu hã aibâ iprédupté ma, ma tô rob'ui'éré, Titu na isisi ma. Ta hã Pauluhu siwadi uptabi duré 'Re ihâimana u'âsi mono ma romhuri na ipawapto'wai uptabi (Galata. 2.1-3). Titu hã Zudeu õ di. Ta hã gregu na iwaptẽrẽ. Tereta na rob'ré za'iti nhisi ãma, ma tô Zezusihi zazei'wa norĩ hã 're hâimana za'ra. Tame ma tô Paulu Titu hã tirẽ, 'Re ihâimana u'âsi mono ma romhuri hã te te 'manharĩ da. à hã ibaihâ na ma tô tãma rob'ui'éré, Tereta ãma hã te te 're da'a'madâ'â wẽ mono da, duré 'Re ihâimana u'âsi mono nhib'a'uwẽ norĩ hã te te 're apisutu mono da, isazei'wa norĩ 'madâ'â'wa da.

Paulu hã wama zama, ma duré waihu'u za'ra, ãne: Ni'wam norĩ hã si'uihâ na tinhiptete na tiwasété wi hã 're wairébé waihu'u mono õ di. Tazahã 'Re ihâimana u'âsi mono hã wama 're isõprub za'ra mono zém na si te wanho'reptuzé Cristuhu dâ'âzém na si wama 're hâimana za'ra.