à hã ibaihâ na Lucas ma tô ãma rob'ui'éré, Zezusihi mreme wapari'wa norĩ 'Re ihâimana u'âsi mono Pẽ'ẽzani we te te itẽme isi'ra za'ra zéb zô, isimipari za'ra na hã. Zezusi hã ti'ai ãma oto 're morĩ õ di.

Capitulu 1 ãma hã Lucas ma tô wasu'u, Zezusi hã hâiwa u apâ imorĩzé hã. Capitulu 2 ãma hã ma tô duré wasu'u, 'Re ihâimana u'âsi mono Pẽ'ẽzani hã isazei'wa norĩ pẽ'ẽ 're, 're isõrõwa mono na. Capitulu 3 hawimhã ibaihâ 'rãsutu u hã ma tô wama rowasu'u za'ra, Zezusihi zadawa wasu'u'wa norĩ nhimiromhurizém na, daro mono bâ Zezusihi wasu'uwẽ hã te te dama 're wasu'u za'ra mono ré, marĩ sada 're ihâimana za'ra mono zém na.

Cristuhu wasu'uwẽ na Zeruzalẽ 're, ma tô Zudeu norĩ ma ãma rowasu'u na'rata za'ra ni. Taha pari, ma tô samaritanu norĩ nhipti'ai u ãma ropé ni. Ta hawimhã zudeu'õ norĩ u, ma tô duré te te ropé oto, Zezusi hã Zudeu norĩ u si wei morĩ õ wa.